* Li Erdîşê Hakan Aydemîr ê 29 salî yên di warê derûnî de nerihetiyên wî hene, ji ber bi şidetê bi ser peywirdarekî bankeyê de çû û jê re got "Ev der Kurdistan e" hat binçavkirin. Aydemîr got: "Polîsên ji emniyetê her digotin 'ev der kuderê ye?' û her min jî digot 'Kurdistan e' ez îşkence dikirim." 

 

* Li Îdirê, bi hinceta nexweşînan di nav salê de 4 caran  Bazara Heywanan hatibû girtin. Sewalvan ji ber vê yekê nerazî ne û gotin ev yek bi zanebûnî tê kirin. 

 

* Li Wanê di meha dawî de siyasetmedar û rojnamevan jî di nav de ji 63 kesên hatin binçavkirin 11 jê hatin girtin. 

 

* 2 meleyên ji ber nimêja sivîl a înê û nimêja ji bo cenazeyên PKK'yiyan dihatin darizandin beraat kiribûn. Lê belê ji ber Dadgeha Îstinafê biryara beraatê xera kir, her du mele dîsa hatin darizandin û 5 sal ceza li wan hat birîn. 

 

* Parêzvanên mafên mirovan der barê kuştina Kadîr Sakçi de ku ji ber kurdbûna xwe hat kuştin destnîşan kirin ku, ev cînayet ji ber zimanê siyaseta îktîdarê pêk hatiye û got: "Divê îktîdar demildest dev ji zimanê nefretê berde." 

 

* Li Tirkiyeyê ji 50 hezar û 292 keyayan tenê 674 jê jin in. Yek ji van keyayan jî keyaya ewil a navçeya Pulumiriyeyê Perîhan Pekîn e. Wê Pekîn ji bo hilbjartina herêmî ya 31'ê Adarê dîsa bibe namzet. Pekîn, diyar kir ku keyayên jin ji bo hilbijartinên nû wêrekiyê li gelek namzetên jin peyda dikin û divê jin di hemû merhaleyên rêveberiyên herêmî de cih bigirin. 

 

* 9 Karkerên Şaredariya Bajarê Mezin ê Aydinê ku ajokarî dikirin ji ber ku ji kar hatin dûrxistin bi armanca dîsa li karê xwe vegerin 170 rojin di grevê de ne û li ber xwe didin. Karker dê di nava çalakiyê de û bi betalî têkevin sala 2019'an. 

 

* Li Girtîgeha Îmraliyê, Veysî Aktaş der barê name û faksên xwe yên ji aliyê desteya dîsîplînê ve wekî xetere hatin dîtin û nehatin şandine de serî li AYM'ê dabû. Lê belê AYM'ê serlêdana Aktaş red kir. Di biryara redkirinê de AYM'ê qebûl kir ku bi vî awayî mudaxileyî "azadiya ragihandinê" hatiye kirin, lê belê di biryarê de parast ku di vî warî dibe ku hin îstisnayên saziyên cemaweriyê hebin û bi vî awayî bêhiqûqîtiya li Îmraliyê teyît kir. 

 

* Wê Şanoya Bajêr a Amedê, di sala nû de dest bi dayîna dersên şanoyê bike. Her wiha wê ji bo zarokan jî dersên dramayê bide. 

 

* Nûçegîhanê MA'yê Yasin Kobulan ku bi îdîaya "propaganda rêxistinê kiriye" doz lê hat vekirin dê li 30'emîn Dadgeha Cezayê Giran a Stenbolê derkeve pêşberî dadger. (09.45)

 

* Saziyên Jinan ên Stenbolê, dê karkerên Flormarê yên jin ku 240 rojin di çalakiya grevê de ne ziyaret bike. (12.00)

 

* Danişîna doza Hevseroka KCD'ê û parlamentera HDP'ê ya Colemêrgê Leyla Guven dê li 9'emîn Dadgeha Cezayên Giran a Amedê bê dîtin. (10.00)

 

* Komeleya Çanda Pir Sultan Abdal, dê ji ber ku salek e îdîanameya der barê xebatkarên TV10'ê ya bi KHK'ê hat girtin de nehatiye amadekirin  li pêş Girtîgeha Sîlîvrî daxuyaniyê bidin çapemeniyê. (13.00)

 

*  2'emîn danişîna doza 14 xizmetkarên Tenduristiyê yên di qedexeya li Navçeya Cizirê ku alîkarî dan birîndaran û doz li wan hat vekirin dê li 3'emîn Dadgeha Cezayên Giran a Mêrdînê bê dîtin. (14.00)