QERS - Namzetê Hevşaredariya HDP'ê ya Qersê Ayhan Bîlgen ku li bajêr dest bi xebata hilbijartinê kir got: ''Em ê rêça şêwrê ya Qersê bidomînin. Em ê lê bifikirin bê ka 'em çawa dikarin kanên nû bibînin' nekevin derê, em ê çawa kanan li hev bela bikin."
Namzetê Şaredariya Qersê ya HDP'ê Ayhan Bîlgen li Qersê xebatên hilbijartina herêmî da destpêkirin. Bi sedan wesayit li balafirgeha Qersê Bîlgen ê ku hat Qersê pêşwazî kirin. Pişt re konwoy ber bi navenda bajêr ve bi rê ket û heta bi navenda bajêr a HDP'ê hat. Gel bi kelecaniyek mezin Bîlgen pêşwazî kir.
'DIVÊ QERS BIBE NAVENDEKE DILKÊŞIYÊ'
Bîlgen li avahiya bajêr axaftineke kurt kir. Bîlgen diyar kir Tirkiye ne bi rewşeke normal e, bi şertên Rewşa Awarte ya fiîlî ew dikevin hilbijartinê, ew hay ji krîz û kaosên li Tirkiyê hene lê ji bo demokrasiyê ew divê têkoşînê bidomînin.
Bîlgen têkildarî Qersê got: ''Li vir hemû nasname, bawerî bi aştî di nav hev de dijîn. Ev bajar bajarekî wiha ye ku lê dewlemendiya dîrokî û pirrengiya çandî heye. Divê êdî ev bajar bibe navendeke dilkêşiyê ku kes ji vî bajarî kesek koç neke, ber bi vî bajarî ve koç çêbibe.''
'EM Ê XWE RÊ VE BIBIN'
Bîlgen destnîşan kir ku li Qersê bi şertên dijwar ew siyasetê dikin, li bajêr hema hema hemû siyasetmedarên ku sê deman hatine hilbijartin li girtîgehê ne, ew bi van şertan dikevin hilbijartinê li gel ev qas zehmetiyan jî, encama ku wê ji sendoqê derkeve wê qedera bajêr biguherîne. Bîlgen got: ''Em xwe di ber rêvebirina vî bajarî re dikin. Em nabêjin ''dengê xwe bidin me, a baş em dizanin, em ê yên li gel xwe dewlemend bikin.''. Em dibêjin, em ê xwe rê ve bibin. Em ê rêça şêwrê li Qersê bidomînin. Gelê me ji bo tiştên ku wê li taxên wan werin kriin ew ê biryarê bdiin, em ê şêwreke berfireh sazkar bikin. Em nakevin derê, 'em ê çilo kanên xwe li xizmên xwe dabeş bikin'' bikevin derdê ''em ê çilo kanên nû ji xwe re bibînin.''
Bîlgen her wiha bang li Qersiyên li derveyî bajêr kir, ji bo ku bikaribin dengê xwe bidin bila qeydên xwe bînin bajêr.