* Par ji Goristana Xerzanê 267 cenaze hatibûn derxistin. 3 malbatên din jî ji bo wergirtina cenazeyên zarokên xwe serî li Dozgeriya Bedlîsê dan. Malbatan, destnîşan kir ku ji bo hestiyên zarokên xwe bigirin ew têdikoşin. 

 

* Parlementera HDP'ê Ayşe Surucu, detsnîşan kir ku ji ber AKP ji aştî û demokrasiyê ditirse, li hemberî daxwazaên Hevseroka KCD'ê Leyla Guven xwe li ker û lalîtiyê daniye û got: "Eger tecrîd bê şikandin wê bayê aştiyê hêl bibe û wê hikûmeta AKP'ê jî ji îktidara xwe bibe." 

 

* Parlementerê HDP'ê Saît Dede, destnîşan kir ku Leyla Guven ji bo bibe dengê daxwaza gel bedena xwe daye ber birçîbûnê. Dede got, ji bo parastina mafê jiyanê ya Guven û girtiyan diê daxwazên wan bên qebûlkirin. 

 

* Girtiyê nexweş Ûmût Beyaz ku çavekî wî nabîne, ji ber nayê dermankirin hindik maye ji çavê xwe yê din jî bibe. Birayê wî Huseyîn Beyaz xwest birayê wî bê tedawîkirin. 

 

* Pêşangeha bi navê "Ji bo Jin Bijîn" balê dikişîne ser cinayetên jinan. Di pêşangehê de 19 jinan bi 30 çîrokên cuda tecrûbe û ezmûnên xwe yên jinatiyê vegotin. 

 

* Krîza aborî bandor li Sîteya Pêlavanan a Işikkentê kir. Ji ber krîza aborî gelek atolye hatin girtin û gelek kes jî betal man. 

 

* Li Serêkaniyê, peywirdarên ewlehiyê yên erdê TÎGEM'ê diyar kirin ku li nav erd çi bê dizîn hemû ji meaşê wan tê birîn. 

 

* Platforma Şaxan ên KESK'ê yên Stenbol, Enqere, Îzmir û gelek bajarên din bi armanca balê bikişînin ser enflasyonê û qîmeta meaşê wan ê winda dibe dê daxuyaniyan bidin çapemeniyê. (12.30)

 

 * Şaxa Komeleya Mafên Mirovan a Stenbolê bi armanca balê bikişîne ser rewşa girtîgehên herema Marmara û çalakiyên greva birçîbûnê dê li avahiya xwe civina çapemeniyê pêk bîne. (12.30)

 

* Înîsiyatifa Zindanan a Marmara, bi armanca balê bikişîne ser rewşa çalakiyên greva birçîbûnê yên bêdem û bêdorveger dê li Qada Bajar a Gebze daxuyaniyê bidin çapemeniyê. (13.00) 

 

 

* Partiyên komêm wan li meclîsê dê civînên hefteyî pêk bînin û geşedanên di rojevê de binirxînin.