EDENE – Berdevka Komîsyona Girtîgehê ya Şaxa ÎHD'a Edeneyê Zelal Demîray, diyar kir ku li Girtîgeha Tîpa F a Kurkçulerê bûyerên derbkirinê veguherîne rewşeke rûtîn.
Li Girtîgeha Tîpa F a Kurkçuler a Edeneyê, di demên dawî de binpêkirinên mafan di rojevê de ye. Berdevka Komîsyona Girtîgehê ya Şaxa Komeleya Mafên Mirovan (ÎHD) a Edeneyê Parêzer Zelal Demîray bal kişand ser binpêkirinên mafan ên li hemberî girtiyan. Li gorî Demîrayê, li girtîgehê 20 girtî ji 27'ê Mijdara 2018'an ve ji bo dawî li tecrîdkirina Rêberê PKK'ê Abdullah Ocalan bê bi awayekî komî di greva birçîbûnê ya bêdem û dorveger de ne. Her wiha Demîrayê da zanîn ku girtiyê bi navê Înan Akin jî ji 5'ê Çileyê ve di greva birçîbûnê ya bêdem û bêdorveger de ye û ji bo rewşa wî got: "Bijîşk li qawîşê tendurstiya wî kontrol nake. Hat gotin ku ji bo greva birçîbûnê av, xwê, şekir, karbonat û vîtamîna B tê dayîn."
DERBKIRIN HEYE, LÊ BELÊ QEYDÊN KAMERAYÊ TUNE NE
Parêzer Demîray, destnîşan kir ku li têketina girtîgehê êdî bûyerên derbkirinê veguherîne rewşeke rûtîn û dozgerê girtîgehê dibêje 'Di vê mijarê de ez hesas im. Bi tu awayî nayê qebûlkirin. Ji bo vê îdiayê min li qeydên kamerayê jî nêrî. Lê belê tu tiştek wisa tune ye.'
Demîray, destnîşan kir ku bûyerên derbkirinê piranî li valahiya mêrdewanan an jî li odeyên arwestandinê yên bêyî kamera pêk tên.
GIRTÎ JI BO EWLEHIYA XWE NAÇIN HEVDîTINÊ
Demîray, bi bîr xist ku ji ber pêkanîna "li hev bîne- tev li hev bike" girtî xweşikî nikarin hevdîtinê bi xizmên xwe re bikin û got: "Îdareya girtîgehê girtiyên ji sûcên cuda hatine girtin di dema hevdîtinan de bi hev du re derdixe û ev yek hem di navbera malbatan hem jî di navbera girtiyan de dibe sedema rageşiyê. Bi vê yekê re hevdîtineke baş pêk nayê û mafê hevdîtinê tê binpêkirin. Peywira sereke ya girtîgehê ew e ku ewlehiyê pêk bînin, lê belê ji ber pêkanînên navborî girtî nikarin hevdîtina vekirî pêk bînin. Vê yekê ji bo pêkanîna ewlehiya xwe dikin."
Demiray, destnîşan kir ku ji bo vê mijarê wan li Dadweriya Înfazê gilî kiriye.
GIRTÎ HATIN DERBKIRIN
Demîray, diyar kir ku du hefte berê bi hincet di mazgalê de silav dane girtiyekî gardiyanan girtiyê bi navê Ferhat Şendûr, Mûrat Sancak û girtiyê bi navê Îbrahîm ê paşnavê wî nehat hînbûn bi awayekî dijwar derb kirine. Demîray got: "Piştî derbkirinê her yekî ji wan xistine odeyên cuda. Girtiyê bi navê Îbrahîm jî xistine hucreyê. Ji bo vê yekê daxwazname nivîsandin lê belê di bersiva daxwaznameyê de hatiye gotin 'dirûşme berz kirine û gardiyan birîndar kirine.'"
MA / Hamdullah Kesen