AMED - Parlementerê HDP’ê Omer Farûk Gergerlîoglû yê bi KHK’ê hat îxraçkirin, derbarê îtîrazên AKP’ê yên bi hinceta bi KHK’ê hatine îxraçkirin ên ji bo betalkirina Hevşaredarên HDP’ê serlêdan kir de axivî û got: “Îtîrazên ji bo betalkirina hevşaredarên qezenc kirin, tê wateay xespkirina vîna gel. Ev kes bi dengên gel hatine hilbijartine.”
AKP’ê piştî îtîrazên encamên hilbijartina herêmî ya 31’ê Adarê vê carê jî ji bo hilbijêrên Partiya Demokratîk a Gelan (HDP) ên bi KHK’ê hatin îxraçkirin, berandemtiya wan bê betalkirin serlêdan kir. AKP bi hinceta bi KHK’ê hatine îxraçkirin ji bo Hevşaredarê bajaroka Bazarcix a navçeya Dîgor a Mûşê Abûbekir Erkmen, Hevşaredarê navçeya Rezan ê Amedê Zeyyat Ceylan, Hevşaredarên Yenîşehîr ê Amedê Îbrahîm Çîçek, Hevşaredarê Peyasê Necatî Pîrînççîolû û endamê Meclîsa Şaredariya Erxenî Muslum Oktay serî li YSK’ê da û xwest endamtiya wan bê betalkirin.
Desteya hilbijartinê ya navçeyan ji bo îtîrazên hatin kirin, serî li nêrîna Desteya Hilbijartinê ya Bilind (YSK) da.
DI 24 HEZÎRANÊ DE HEMAN NÎQAŞ HAT KIRIN
Di Hilbijartina Giştî û Serokkomariyê ya 24’ê Hezîranê de jî, Hevserokê Giştî yê HDP’ê Sezaî Temellî, parlementerên HDP’ê Omer Farûk Gergerlîoglû, Gulîstan Kiliç Koçyîgît, Salîha Aydenîz, Mûazzez Orhan, Semra Guzel, Saît Dede û Habîp Eksîk, parlementerê CHP’ê Îbrahîm Kaboglû û ji partiya Saaetê Cîhangir Îslam ên di demên cuda de bi KHK’an hatibûn îxraç kirin, çûn Meclîsê. Di vê hilbijartinê de jî, serlêdanên wan ên endamtiyê bibû mijara nîqaşê û Îbrahîm Kaboglû yê CHP’î piştî serî li YSK’ê da, serlêdanên wan ên endamtiyê hatibûn qebûl kirin.
VÎNA GELE
Wekîlê HDP’ê Kocaelî yê bi KHK’ê hat îxraçkirin û ket Meclîsê Omer Farûk Gergerlîoglû, îtîrazên AKP’Ê yên “KHK” nirxand û wiha got: “Dixwazin bi hincetên KHK’ê mafê hilbijêran xesp bikin. Ev bi vîna gel hatine hilbijartin. Ligel hatin îxraçkirin jî hatin hilbijartin. Ji xwe divê kes3en îxraçat pêk anîn ji xwe şerim bikin.”
‘DIXWAZIN CARA DUYEMÎN MAFÊ KESÊN JI KAR AVÊTIN XESP BIKIN’
Gergerlîoglû, da zanîn encamên hilbijartina herêmî bersiv mezin da kesên KHK derxistin û wiha axivî: “Ger qanûna bingehîn hebe, divê kes li pêşberî vê nesekine. Min biryara YSK’ê lêkolîn kir. Tê gotin ku ji derveyî parlementeran dê vî mafî nedin kesek din. Di demokrasiyê de divê kes nekeve pêşiya hilbijêran. Lê bi merama siyasî astengî hene. Bi vîna gel tên hilbijartin, lê ji ber ku bi KHK’ê ji kar hatiye avêtin, mezbata nadinê. Di encamê de cara duyemîn mafê van kesan tê xesp kirin. Kesên bi KHK’ê ji kar hatin avêtin rastî zilmên mezin hatin. Niha jî, ji ber ku bi KHK’ê ji kar hatine avêtin, vîna bi hezaran mirovan tune tê hesibandin. Ev nêzîkatiyeke ku qanûna bingehîn binpê dike û nayê qebûl kirin.”
MA / Ozgur Paksoy