AMED - Rayedarên dewletê ku li aliyekî çalakiyên xizmên windayan qedexe dikin, li aliyekî dayikan bi erdê re kaş dikin, li aliyekî cenazeyê dayika kurd 7 rojan li erdê dihêlin; li aliyê din bi hemû hêza xwe hin kesan arasteyî avahiya HDP'ê dikin û dixwazin çalakiya rûniştinê li dar bixin. Li derdora wan nobetê digirin û wan diparêzin.
Di 19'ê Tebaxê de Wezîrê Karên Hundir qeyûm tayînî Şeredariyên HDP'ê yên Wan, Amed û Mêrdînê kirin. Piştî çalakiyên li dijî tayînkirinaqeyûman zêde bûn, Midûriyeta Polîsan û Ajansa Anadolu bi hevre di 22'ê tebaxê de dayika 70 salî Hacire Akar a ku kurê wê yê 21 salî Mehmet Akar çend roj bûn nediçû malê bi îdîaya "HDP'ê kurê wê revandine" şandin pêş avahiya HDP'ê ya Amedê. Polîsan, di 22'ê tebaxê de Hacire Akar arasteyî pêş avahiya HDP'ê ya Amedê kirin û Ajansa Anadolu jî we kir manşet. Roja din hemû ajans û rojnameyên hawiz çalakiya Hacîre kirin manşet. Di 23'ê Tebaxê de Mehmet Akar, li Amedê roportaj da ajansa me diyar kir ku ew li Amedê ye û kesî ew nebiriye çiyê. Îdîayên der barê xwe de derewandin. Roja dîtin Mehmet Akar çû Midûriyeta Polîsan a Amedê û îfade da. Piştî 8 rojan di bin çavan de ma û hepsa malê dan. Piştî Akar hat binçavkirin Hacîre dawî li çalakiya xwe ani.
MALBATÊN POLÎS Û ESKERAN JÎ TEV LI ÇALAKIYE BÛN
Piştî Hacîre Akar çû malê vê carê dayika S. Çetinkaya Fevziye Çetinkaya û hevjînê xwe Şahap Çetinkaya bi îdîaya 4 sal berê kurê wê Azat Akkoyun şandine çiyê li ber HDP'ê rûnişt. Remziye Akkoyun, di 2 Îlonê de li ber avahiya HDP'ê çalakiya rûniştinê li dar xistin. Piştre malbata esker Muslum Altintaş ê di 2'ê Cotmeha 2015'an de dema li navçeya Pilumoriya ya Dersimê eskerî dikir HPG’iyan di kontrola rê de ew revandin û malbata esker Vedat Kaya yê di 24'e Tîrmeha 2015'an de HPG’iyan ew ji Navçeya Lice ya Amedê revandin û malbata Sedat Yabalik ê HPG'iyan di 28'ê Tirmeha 2015’an de revandin tev li çalakiya li pêş avahiya HDP'ê bûn.
ÇALAKÎ JI HDP’Ê RE QEDEXE NE JI MALBATÊ ESKERAN RE SERBEST IN
Ji 24'ê Tîrmeha 2015’an heta niha piştî OHAL hat îlankirin hemû cureyên çalakiyên HDP'ê ji aliyê walîtiyê ve hatin qedexekirin. Çalakiya Dayikên Şemiyê li Stenbolê qatin qedexekirin. Çalakiya Xizmên windyan û parazvanên mafên mirovan li qadan qedexe kirin. Çalakiyên dayikan ên ji bo greva birçîbûnê ya li pêş avahiya HDP'ê qedexe kirin. Lê li aliyê din çalakiyên dayikên esker û polîsên hatin revandin li pêş avahiya HDP'ê di bin parastina polîsan de didome. Polîs xwarinê ji malbatên li pêş HDP'ê rûniştinê re temîn dike.
NÊZÎKATIYA RAYEDARÊN DEWLETÊ
Xizmên windayan û Dayikên Şemiyê, yên di salên 1990’an de ji aliyê JÎTEM'ê ve hatin revandin û hêj hestiyên wan nediyar e, ji bo aqûbeta sarozên we bipirisin, bi salan de çalakiyan li dar dixin. Piştî OHAL'ê qadên çalakiyê li wan hatin xedexekirin. Dayik û xizmên windayan ji ber qedexeyan neçar in çalakiyên xwe li hundir li dar bixin. Di 20'ê Tîrmeha 2018’an de û di îlona 2018'an de jî Dayikên Şemiyê ji aliyê "Waliyê Super " ve rastî astengiyan hatin. Piştî qedexeyan Dayikên Meşiyê ku li Qada Galatasarayê çalakî li dar dixistin, piştî tebaxa 2018'an Qada Galatasarayê li wan qedexe kirin. Polîsan di 30'ê Tebaxê de dayika Hasan Ocak ê hat windakirin Emine Ocak li erdê kaş kiribû û helwesta dewletê nîşan dabûn.
Dayikên ku li dijî tecridê ji bo tecrîdkirina Rêberê PKK'ê Abdullah Ocalan li pêş girtîgehan xwestin nobetê bigirin dîsa ji aliyê polîsan ve li erdê hatin kaşkirin. Dayikên girtiyan rastî lêdana polîsan hatin û polisan dayik bi erdê re kş kirin.
Medya tundiya polîsan a li dijî dayikên şemiyê, xizmên windayan û dayikên zarokên wan girtî nedîtin, lê dayikên ku li pêş avahiya HDP'ê çalakî li dar xistin di manşeta sereke de dîtin. Bi taybetî Ajansa Anadolu (AA) û medya hawiz hemu bi yek devî kirin manşet û rastî veşartin.
Medya hawiz cenazeyê dayika Taybet ku 7 rojan li kolanan ma jî neditbûn.