Meclîsên Jinan, Talîbana ku Afxanistanê rêveberiyê bi dest xist li ber Sefaretxaneya Afxanistanê ya li navçeya Beşîktaşa Stenbolê protesto kirin. Jinan pankart û dovîzan hildan û dirûşm berz kirin. Li ser navê Meclîsên Jinan, Sekrtera Giştî ya Platforma Em ê Cînayetên Jinan Rawestînin Fîdan Ataselîm daxuyanî da û got Talîban û DAIŞ bi yek carê ji aliyê hêzên emperyalîst ve hatine avakirin. Ataselîm destnîşan kir ku ew baş bi zîhniyeta Talîban ku gotiye “em ê mafê jinan bidin wan” baş nas dikin û bi salan e jinên afxan li dijî zîhniyeta Talîban li ber xwe didin û jinên afxan ne bi tenê ne. Ataselîm got divê jin hemû xwe bikin yek û Talîban ji holê rakin. Ataselîm da zanîn ku zîhniyeta Talîban a li hember jinan û zîhniyeta AKP’ê ya li hember jinan ji hev ne cuda ye.

 

Jinan piştî daxuyaniyê tacagula bi nivîsa “Jin wê bi laîkbûnê bijîn” hatibû amadekirin danîn ber sefaretxaneyê.