Di Doza Kobanê de şandeya dadgehê bi darê zorê parastinê bi girtiya nexweş Aysel Tûglûk da kirin. Siyasetmedaran bertek nîşanî helwesta dadgehê da û diyar kirin ku dadgehê xwest ku Tûglûk bi îşkenceyê ceza bike.
Jinên TJA’yî û HDP’î ji bo piştevaniyê serdana Bazara Keda Jinê ya Silopiyayê kirin.
TAJÊ’yê bi minasebeta 8’emîn salvegera Komkujiya Şengalê daxuyaniyek da û diyar kir ku çeka herî xurt, xweparastin e û wiha got: “Em ê bi tu awayî rê nedin fermaneke din.”
Zilamê bi navê Umît Dur li navçeya Şahînbey a Dîlokê êrişî jina ji Kobanê ya bi navê Hamîde Şêx Muslim kir. Muslim, 13 rojan di bin çavdêriya awarte de ma û piştre jiyana xwe ji dest da.
Yekitiya Jinên Êzidî ya herêma Cizîrê bi semînerekê qurbaniyên di Komkujiya Şengalê ya 3'yê Tebaxê de jiyana xwe ji dest dabûn bi bîr anîn.
Li Denîzliyê zilamê bi navê Onûr Aslan bi amûrek birînê Rabî Dag Aslan a ku di qonaxa hevberdanê de bûn bi giranî birîndar kir.
Sekretera Giştî ya Partiya Pêşerojê ya Sûriyeyê Sîham Dawid ku yek ji beşdarên Forûma Şoreşa Jinê ya Rojhilata Navîn e, diyar kir ku di forûmê de biryarên têkildarî azadiya jinê hatine girtin û got: "Ji bo azadiya jinê divê em bi hev re û mil bi mil bixebitin û hêviyên xwe bikin yek."
Bi sedema ku silav dane xizmên hev û ew hembêz kirine, cezayê disiplînê li siyasetmedar Ayla Akat Ata û Ayşe Yagci hate birîn. Ata û Yagci têkildarî cezayê hatiye dayîn parastin kirin û gotin: “Tiştekî mirovî ye.”
Mizgîn Can, piştî dest ji Îsmaîl Uneşî berdaye, Uneşî û malbat wî êrişî wê kirine û ji ber vê nikare destê xwe yê çepê bilebitîne. Can destnîşan kir ku kiryar li derve ne û got: "Ez dixwazim edalet pêk were."
Hevseroka HDP'ê ya Amedê Gulistan Atasoy ku bertek nîşanî biryara derbarê biryara rakirina parêzbendiya Hevseroka Giştî ya DBP'ê Salîha Aydenîzê da, got: "Saliha Aydenîz vîna me ya hilbijartî û Hevseroka Giştî ya DBP'ê ye û wê tim wisa be."
Şaredariya Panosê ji bo pêşîlêgirtina tundiya li ser jinan û jin dikaribin xebatên xwe civakî lê bikin, Navenda Piştevaniya Jinan a Teşî vekir.
Endama Komîteya Amadekar a Forûma Şoreşa Jinê ya Rojhilata Navîn û Kongreya Star Menal Mihemed, diyar kir ku wê parastina destkeftiyên jinan ku 10 sal in bi destxistine bidomînin û wiha got: “Em ê bi tevgerên jinan re tifaqa xwe bidomînin û xurtkirina tevgerên jinan berdewam bikin.”
Fermandara Giştî ya Hêzên YAT’ê yek ji fermandarên YPJ’ê û QSD’ê Jiyan Tolhildan ku di êrişa SÎHA'yê de jiyana xwe ji dest dabû bal kişandibû ku dema rêxistinkirina jinan zêde dibe êriş jî zêde dibin û wiha gotibû: “Em ji kuştinê natirsin. Me carekî serî rakiriye. An em ê azad an jî em ê wekhev bijîn.”
Polîsan êrişî çalakiya jinên KESK’ê ya têkildarî Peymana Stenbolê kirin. Polîsan heqaret li jinan kirin û tundiyê jî li rojnamevanan kirin.
Şeyhdavût D. ku yek ji kiryarên "Doz N.Ç." ye, wekî "rûspî" di çalakiya Qeymeqamtiya Dêrikê de cih girt. Li Mêrdînê bi dehan karmendên dewletê dest avêtibûn N.Ç. ya zarok.