Ji ber Mencî Orman a 67 salî di pîrozbahiyên Newrozê de kefiya kesk, sor û zer hejandibû, bi îdîaya “propagandaya rêxistinê” 10 meh cezayê hefsê lê hate birîn.
Serdozgeriya Komarê ya Muglayê daxistina cezayê kujerê Pinar Gultekîn ê bi navê Cemal Metîn Avci ya bi îdiaya “tehrîka nerewa” bir Dadgeha Îstînafê.
Li navçeya Bayindirê zilamê bi navê E.M., jina bi navê N.M. ku pê re di asta dest ji hev berdanê de bû, bi giranî birîndar kir.
TJA'yê li Silopiya ji bo balê bikişîne ser qetilkirina jinan û şerê li Herêma Kurdistana Federe meşek li dar xist. Di meşê de hat destnîşankirin ku wê jin di her şert û mercî de bedena xwe, nasnameya xwe û çanda xwe biparêzin.
Di doza Pinar Gultekîn de hinceta biryara "daxistina tehrîka nerewa" ya kujer Cemal Metîn Avci aşkera bû. Di biryarê de hat angaştkirin ku şewitandina cesedê Pinar a ji aliyê Avci ve ne "sûcê eziyetê" çalakiya "ji holê rakirina cesed" e.
Jina bi navê H.G. li Mûşê ji hêla hevjînê xwe K.G. ve hate qetilkirin.
Midura JINNEWS'ê Safiye Alagaş ku beriya demekê hat girtin, di peyama ku şand de ev tişt got: "Bila bê zanîn ku wê hêza tu zext û zilm têra şikandina pênûsa jinê neke. Em rojnameger in û karê xwe yê rojnamegeriyê bikin."
Li Stenbolê, jinan diyar kir ku daraz di dozên qetilkirina jinan û tahdeyê de kiryaran wêrek dike û gotin: "Dê têkoşîna me ya ji bo azadî û mafê jiyanê bidome."
Di doza têkildarî fesixkirina Peymana Stenbolê de meqama îdiayê di mutalaaya xwe de xwest fesx bê betalkirin. Heyeta dadgehê dê biryara xwe beriya betlaneya edlî bi awayekî nivîskî eşkere bike.
Di Doza Peymana Stenbolê de Parêzer Nûriye Yilmaz, ev tişt got: "Ne tenê parêzer, jineke mexdûra tundiyê me. Heke Peymana Stenbolê hebûna belim tundî li min nehata kirin."
Jinên ku xwestin tev li danişîna Peymana Stenbolê bibin, rexmî astengkirina polisan jî li ber Şûreya Dewletê daxuyanî dan û gotin ku wê li peymanê xwedî derkevin.
Li Mêrsînê, jinan diyar kir ku cezayê di doza Pinar Gultekîn de hatiye dayîn hê bêtir hêz dide zilaman û ev tişt gotin: "Em ê li dijî tundiya zilaman torên parastina rewa ava bikin."
Di doza ku Seroka Komeleya Jinan a Rosayê Adalet Kaya tê darizandin de derbarê Kaya de doznameyeke din jî hat amadekirin. Parêzeran bertek nîşanî vê rewşê da û gotin ku ev tacîza darazê ye.
Parezêr Zîlan Usman Heme, bal kişand li ser biryara qedexekirina wêşandina nûçeyên kuştin û xwe kuştinê û destnîşan kir ku hikûmeta Başûr bi vê yeke armanc dike ku dengê tevahî jinên tundî li wan tê kirin û tên kuştin qût bike.
Jinan bertek nîşanî daxistina cezayê kujerê Pinar Gultekîn, Cemal Metîn Avci dan û wiha gotin: “Di tevahiya dozê de ne Avci lê Pinar Gultekîn hate darizandin. Li Muglayê komkujiya hiqûqê hate kirin û hiqûq mir.”