Rêxistinên jinan ên li Îzmîrê bertek nîşanî binçavkirinên li Amedê dan. Jinan diyar kir ku êrîş li dijî têkoşîna jinan a wekhevî û azadiyê ye û anîn ziman ku li dijî van êrîşan serî natewînin.
Parêzera penaberên Îranî yên tevlî çalakiya li dijî feskirina Peymana Stenbolê bûn û derbarê wan de biryara der sînorkirinê hat dayîn Hayriye Bûse Bergamali, diyar kir ku ev biryar ne qanûniye û got, ew ê îtîraz bikin.
Hevşaredara Qersê Şevîn Alaca ku hat berdan, destnîşan kir ku di şexsê wê de hevserokatî hatiye darizandin û got: "Em çavşikestî nebûn, hêviya me ya ji bo serketinê zeximtir bû."
Komeleya Jinan a Starê di 1’emîn Kongreya xwe ya Asayî de rêveberiya xwe ya nû diyar kir. Di kongreyê de, li dijî vekişandina ji Peymana Stenbolê peyama “têkoşînê” derket pêş.
Jinên KESK’î diyar kirin ku wê li dijî tundî û zordariya zilam berxwedanê bi rêxistin bikin û xwestin jinên hatine binçavkirin demildest bên berdan.
Li navçeya Yildirimê, bersûcê hewl da tecawizî F.D. bike, hat binçavkirin.
Jin wê bi dirûşmeya “Me li kolanan Peymana Stenbolê qezenc kir, em ê li kolanan biparêzin” meşeke girseyî li dar bixin.
Di civîna ku duh li Beştepeyê bi du rayedarên YE’yê re hat kirin de mayîna ser piya ya Seroka Komîsyona YE’yê Ursula von der Leyen a bi Serokê Konseya YE’yê Charles Michel re di heman statuyê de ye careke din nêrîna jinê ya Enqereyê derxist holê.
Di doza Hasan Bîlgîlî yê bi sûcdariya tecawîzî Ç.B. kiriye tê darizandin de, derket holê ku li Nexweşxaneya Bajêr, ji ber li ser mînakên xwîn û mîzê yên ji Ç.B. hatin girtin, nehatiye nivîsandin ku “bûyer edliye”, hatine avêtin.
Aktîvîsta TJA’yê Zeynep Topçû, êriş û zextên li dijî aktîvîstên jin û saziyên jinan ên li herêmê weke “Dixwazin hebûna jinan û Kurdan qedexe bikin” nirxand û wiha got: “Bi darê darazê wê tu carî nikaribin me bêdeng bikin.”
Navenda Mafên Jinan a Baroya Rihayê, ragihand ku ji serê sala 2021'ê heya niha 15 jinan ji ber tahdeyê serî li wan daye û Parêzer Zeynep Kaya jî anî ziman ku fesixkirina Peymana Stenbolê, bêcezatiyê qanûnî kiriye.
Hevşaredara Qoserê Nîlufer Elîk Yilmaz û Hevşaredara Stewrê Gulîstan Oncu ku piştî qeyûm tayinî şûna wan hatibûn kirin hatibûn girtin û piştî 16 mehan hatin berdan, anîn ziman ku dê têkoşîna xwe ji cihê mayî bidomînin.
Parlamenterên jin ên HDP’ê pirsa “Dema hûn wek Wezîra Xizmetên Malbat, Xebat û Civakî û wek jinekê bi tundiyê re rûbirû bimînin, hûnê xwe bi çi biparêzin?” ji Wezîra Xizmetên Malbat, Xebat û Civakî Zehra Zumrut Selçûk kirin.
3 jinên li Mêrsînê ji ber tevli Meşa Şevê ya Femînîst a 8’ê Adarê bûne, ji aliyê Şaredariya Akdenîzê ya AKP'yî bi hêceta “Kod 29” ji kar hatin avêtin. Jinan anîn ziman ku wê têkoşîna hiqûqî bidin destpêkirin.
Jinên ku dê di 10'ê nîsanê de li Wanê li dijî biryara fesixkirina Peymana Stenbolê dakevin qadan, bang jinan kirin ku tevli meşê bibin.