Jinên ku li pêş Wezareta Xizmetên Civakî Xebat û Malbatê kuştina jinan şermezar kirin û navê wezaretê weke “Wezareta Polîtîkayên Serweriya Zilam û Cînayetên Jin” guhertin.
Osman Ç. ê ji ber sûcê tecawîzkirina zaroka bi navê Z.Ç. dihat dariznadin û ligel rapora DNA’yê bi hinceta “gumana bireve tuneye” hatibû berdan. Xwişka Z.Ç. Pervîn Şîşman, bertek nîşanî berdana Osman Ç. da û pirsa “Ev edaletek çawane?” û banga girtina bersûc kir.
Jinên ku ji ber tahdeya hevjîn û malbatên xwe reviyabûn û li Mêvanxaneya Jinan a Meletiyê bi cih bûbûn, diyar kirin ku ne polîs, xebatkarên paqijiyê wan birine edliyeyê û gotin: "Em ne penaber bûn jî. Mexdûriyeta me îstismar dikirin."
Li Konyayê, zilamên bi navê Mehmet Demîrbaş û Ûlvî Akbarov ku bi rojan 2 jinan desteser kiribûn û dest dirêjî wan kiribûn, hatin binçavkirin û girtin.
Meclîsa Jinan a HDP’ê, ji bo Melek Îpek a ku parastina çewherî bi anîbû hat girtin, banga berdanê kir.
Dayika 70 salî Hazal Sûncak a ku tevahiya jiyana xwe bi koçberî, zext, girtin û binçavkirinan derbas kir, ji bo çalakiya greva birçîbûnê banga hestiyariyê kir. Sûncak, diyar kir ku kurê wê yê nexweş jî di greva birçîbûnê deye û got: “Em ê vê bêdengbûnê qebûl nekin.”
Berdevka TJA'yê Ayşe Gokkan anî ziman ku kurd divê dersê ji dîrokê bigirin û bi yek bin û got: "Yekîtiya kurdan, azadiya kurdan e. Bila kurd hemû bibihîsin ku, jinên kurd di warê yekîtiyê de bi xwe bawer in."
E.B. ku bi tahde, gefxwarin û êrîşa zayendî ya Remzî N.'yê ku jê re gotibû "li midûriyeta polîsan kekê min heye" maye, anî ziman lêpirsîn bi biryara "neşopandinê" bi dawî bûye û ev yek jî ji bo wê bûye sedema fikaran.
Derûnas Ebrû Sorgûn, diyar kir ku zext û tahde dibin sedema tarvamayên civakiyî yên telafîkirina wan tuneye û got: "Gava peymana civakiyî xera bibe, herî zêde dê jin bandorê jê bigirin."
Berdevka HDP’ê Ebrû Gunay, di bernameya bîranînê ya 6 siyasetmedarên kurd ên hatin qetilkirin de axivî û got: “Her kes kiryarên Komkujiya Parîsê nas dikin. Lê Tirkiye naxwaze ev bûyer ronî bibe. Ger Komkujiya Parîsê ronî bibe, wê gelek tişt çareser bibin.”
Melek Îpek a ku bi parastina rewa hevjînê xwe Ramazan Îpek ê îşkence lê kiribû kuştibû, ji girtîgeha kul ê girtî ye peyam şand û spasiya kesên ku piştgiriya wê kiribûn kir.
Jinên Sûriyeyê bûne mexdûrên herî mezin ên şer, ligel xizantî û cihêkariyê rastî tundiya zayendî ya herî giran tên. Jinên penaber bi hizir û fikra ku saziyên fermî wê wan li dijî êrîşên tacîz, tecawîz û tundiyê neparêzin, gilî nakin.
Parêzerê Komkujiya Prîsê Jean-Louis Malterre, bibîr xist ku malbatan ji ber şewba Covîd-19'ê di Adara 2020'an de nikaribûne îfadeyê bidin û got: "Lê di demên dawî de lêpirsîn cardin dest pê kirin û em bi hêvî ne ku di baharê de geşedanên nû rû bidin."
Parlamentera HDP’ê Serpîl Kemalbay, di bîranîna 3 jinên siyasetmedar ên kurd de axivî û diyar kir ku ji wê rojê ve bi israr têkoşîna xwe didomînin û bidomînin.
Sekretera Giştî ya demborî ya Komeleya Piştevanî û Şêwiriyê ya Jinan a Muglayê Leyla Kalin, diyar kir ku ger li ser vê erdnîgariyê qirkirina zeyendekê hebe, aştî tuneye û ji bo bi dawîkirina vê pirsgirêkê banga piştevaniyê kir.