Endama Navenda Mafên jina ya Baroya Amedê Parêzer Muzzeyan Nergîz, ji bo pêşnûmaya qanûnî ya efûyê ya derbarê 'destavêtina' zarokan û zewicandina bi kesê 'dest avêtiye zarokan re' got, armanc sergirtina 'destavêtinê' ye.
Piştî qeyûm tayînî Şaredariya Sûrê hat kirin, deriyê Navenda Şêwirmendiyê ya Jina ya Amîda Jînê jî hat mohrkirin. Tabelaya navendê hat daxistin û wê kirine qehwexane.
TJA û Meclisa Jinan a HDP'ê ya Şirnexê, aqûbeta Gulistan Dokû ya 14 rojên li Dersimê agahî jê nayê girtin, pirsîn.
3'yemîn Konferansa Jinan a Mezin a HDP'ê li Enqerê dest pê kir. Di konferansê de Hevseroka Giştî ya HDP'ê Pervîn Buldan, diyar kir ku sala 2019'an bû sala berxwedanê û sala 2020'an jî dê bikin sala serkeftinê.
Li Enqereyê polisan bi ser malan de girt û rêveberên HDP'ê jî di nav de 5 jinan binçav kirin.
Berdevka Meclîsa Jinan a HDP’ê Dîlan Dîrayet Taşdemîr, têkildarî Gulîstan Dokû daxuyanî da û got: “Li Dersimê tenê ne mirov, çiya û kevir jî, dibin kontrolê dene. Lê ev 10 rojin agahî ji xwendekareke zanîngehê nayê girtin. Li Kurdistanê mirov windan nabin, tên windakirin.”
Di doza darizandina Hulya Halaçkaya ya hevjînê xwe yê tundî lê dikir kuşt de dozger got “xweparastina rewaye” û xwest bê berdan. Parêzeran jî daxwaza berdana Halaçkaya kir. Lê şandeya dadgehê di girtina Halaçkaya de israr kir.
TJA, ji bo Gultan Kişanak û Sebahat Tuncel ku 4 sal in girtî ne, beriya ku sibe doza wan li Edliyeya Meletiyê bê dîtin, bi hashtaga "#Ji GutanÛSabahatê re Azadî" banga piştevaniyê kir.
Meclîsa Jinan a HDP'ê derbarê bûyera îstîsmarkirina cinsî de daxuyanî da û got: "Em li dijî polîtîkayên AKP'ê yên dijminantiya jin û zarokan dikin serî natewînin û em rê nadin kesên bi biyrara nepenîkirinê bêcezatiyê meşrû dikin."
Parlamentera HDP'ê Serpîl Kemalbay, ji bo sîgortaya jinên kedkarên malan çê bibe û teqawît bibin, pêşniyaza qanûnê da.
Meclîsa Jinan a HDP’ê, Komkujiya Parîsê lanet kir û ji bo komkujiyê ev tişt got: “Bi vê êrîşê berxwedana jinan, rêxistina ciwanan û dîplomasiya Tevgera Azadiya Kurd hedef girtin.”
Jin li dijî sererastkirina qanûna “efoyê ya bi rêya zewicanê” ku hikumet xwe amede dike ku ji bo bersûcên îstîsmarên zarokan derbixwe bi bertekin û îtîraz dikin. Jinan, diyar kirin ku rojevîkirina vê qanûnê jî pir bi talûkeye û gotin: “Wê ev yek pêşiya îstîsmarkirinên zarokan zêdetir veke.”
Piştî qeyûm tayînî Şaredariya Bajarê Mezin a Mêrdînê hatibû kirin, qeyûm polîsê bi navê Ercan Ûysaler kiribû midûrê Şîrketa Anonîm a Kentê. Lê belê derketibû holê ku Ûysaler fuhûş li xebatkareke jin ferz kiriye. Wê danişîna dudoyan a dozê sibê pêk bê û ji Platforma Jinê ya Şahmeranê ya Mêrdînê Gulîzar Îpek jî gazî jina kir ku tev li danişînê bibin.
Jinên feminîst ji bo çanda aştiyê ava bikin bi navê "Demîr Leblebî" komek ava kirine. Perwerdekara komê ya Rihayê Ayşe Erîş, got: "Aştiya ku jin behs dikin û aştiya ku pergala pederşahî behs dike, di nava wan de ji vir û çiyayekî ferq heye".
TJA'yê qetilkirina 3 jinên kurd ên siyasetmedar a sala 2013'an weke "rojeke reş" nirxand û ev tişt got: "Em ê di rêya Sarayan de bimeşin û 90'ê Çileyê ji bîr nekin nedin jibîrkirin."