Avakara VAKAD'ê ku bi KHK'ê hat girtin Zozan Ozgokçe, girtina saziyan, polîtîkayên qeyûman û qedexekirina çalakiyan a li bajêr nirxandin. Ozgokçe, got: "Êdî jin xwe ewle hîs nakin. Destkeftiyên me ji destê me stendin û 50 salan welat bi paş ve birin. Helbet wê ev bêdengî wiha dewam neke."
Hiqûqnasan destnîşan kir ku heta daraz nebe darazeke serbixwe, wê tu pakêt nebin cihê çareseriyê û gotin: "AKP û MHP, bi pakêtên derdixin dixwazin kesên îstismarê dikin bên berdan. Dê ev jî ji bo jin û zarokan bibe cihê mexdûriyetên hîn mezintir."
Leşkeran, li Stewrê bernameya jinan a ji bo 25'ê Mijdarê Roja Têkoşîna Navneteweyî ya Li Dijî Tundiya li Ser Jinê asteng kir.
Jinan li Enqereyê têkildarî 25’ê Mijdarê belavokan belav kir û jinan vexwendin çalakiyên 25’ê Mijdarê.
Li gundê Esenyayla yê Akyakayê, Semaha Hangul a 58 salî hîn jî genimê ku herî kêm xwedî dîrokeke 9 hezar salî ye diçîne. Tenê armanceke Hangulê heye, ew jî tevî hin jinan kooperatîfekê ava bike.
Li Şemrexê, jin bi boneya 25’ê Mijdarê Roja Têkoşîna Navneteweyî ya Li Dijî Tundiya Jinê li hev civiyan bûn.
Meclîsa Jinan a HDP’a Êlihê û aktîvîstên TJA’yê di çarçoveya çalakiyên 25’ê Mijdarê de bi armanca piştevaniya bi jinên girtî re kartan şandin.
Komîsyona Jinan a Kongreya Civaka Demokratîk (KCD) encamnameya komxebata "Jin nivîs û nivîskariyê" ya ku di 3'ê Mijdara 2019'an de li dar xistin bi raya giştî re parve kirin. Komîsyona jinan diyar kirin ku wan Platforma Pênûsa Jinên Mezopotamyayê ava kiriye.
Platforma Jinê ya Antalya, xwest ku paketa darazê ya weke dijminê jin û zarokan dibîne, bê vekişandin.
TJA'yê, derbarê medya hewzê ku li wê dest bi kampanyeya reşkirinê kiriye de daxuyanî da û got: "Hûnê nekarin bi derewên xwe me reş bikin. Têkoşîna me ya mezin û rêxistinbûyîna me wê hîn zêde mezintir bibe."
Dayika Aştiyê Kewê Işik a 65 salî ku bi siyasetmedaran re hat binçavkirin diyar kir ku polîsan dema wê binçav kiriye lêdane û heqaretên giran lê kirine.
Nivîskar Mûkaddest Erdogdû Çelîk diyar kir ku divê têkoşîna neteweyî ya jinên kurd bê nivîsandin û ev pêşniyar kir: "Divê bi fikr û nivîsandina bi hişmendiya jinê zimanê jinê bê avakirin."
Li Bismilê zilamê bi navê Hasip A. (65) hevjîna xwe Muteber A. (49) kuşt.
Aktîvîsta TJA'yê Xecê Şen di komxebata "Jin û nivîskarî" ya KCD'ê de axivî û got 500 pêşenivîsar ango berhemên nivîskarên jin ên girtî hatine windakirin û ji bo dîtina van pirtûkan xwest komîsyonek were avakirin.
Aktivista Tevgera Jinên Azad (TJA) Derya Aslan, bal kişan ser êrîşên li dijî jinan û got: "Em dest ji têkoşîna xwe ya jinan bernadin.'