Perwerdekara wêneyan Fatma Zozan Bor ku di pêşangeha 25'ê Mijdarê ya li Tetwanê hat vekirin de hat binçavkirin, diyar kir ku li midûriyeta polîsan rastî taciza fizîkî û devkî hatiye û got: "Wêneyên min hê jî di binçavan de ne."
Ji Yekitiya Jinan a Kirkyamayê Tulay Korkûtanê, got: "Divê em têkoşîna li dijî qeyûman berfirehtir bikin." Ji Meclisên Jinên Sosyalîst Dîlara Kalpakê jî banga têkoşîna yekbûyî kir.
Ji xebatkarên Midûriyeta Polîtîkayên Jinê ya Şaredariya Silopiyayê Siyajîn Bûrûntekînê diyar kir ku xebatên xwe bi feraseta şaredarîvaniyeke li ser esasê jinê dimeşînin û got ku di warê serwextkirina civakî û hiqûqî de hewl didin qadên jiyanê biafirînin.
Sekretera Giştî ya BastA'yê Franzîska Stîerê diyar kir ku tayînkirina qeyûman parçeyek ji zilma li ser gelê kurd e û wê li Wanê têkoşîna li dijî vê bi çavên xwe dîtiye.
Bi hezaran jinên li Karakoyê hatin gel hev bi dirûşmeya "jin jiyan azadî" li dijî tundiya mêr dengê xwe bilind bikin. Jinan li dijî qeyûman, li dijî pêkanînên li hember jinan û polîtîkayên şer peyama bilindkirina piştevaniyê dan.
Hevseroka Giştî ya DBP’ê Çîgdem Kiliçgun Uçar di meşa li Amedê çarçoveya 25’ê Mijdarê d epêk hat axivî û got: “Ne walî bila desthilatdarî bê, ne desthilatdarî bila pergala serdest ya mêr bê. Rehbera me ‘jin jiyan azadiye’. Em dirûşmeya ‘jin jiyan azadî’ bi termînolojiya rêxistinî dibêjin. Ev li dijî qetilkirinên desthilatdarî li dijî parastina gumanbaran, dirûşmeya rêxistibûna jinan e.”
Li Wargeha Mexmûrê bi pêşengiya Meclisa Îştar bi boneya 25’ê Mijdarê Roja Têkoşîn û Piştevaniya Navneteweyî ya li dijî Tundiya li ser Jinê meşeke girseyî hat lidarxistin.
Jinên li Bakur û Rojhilatê Sûriyeyê li gelek bajaran bi boneya 25’ê Mijdarê û bi dirûşma "Jin, jiyan, azadî" daketin qadan.
Xwendekarên Zanîngeha Şirnexê li kampusa navendî bi sê zimanan pankarta "Jin, jiyan, azadî" hilgirtin.
Tora Têkoşîna li Dijî Tundiyê ya Amedê diyar kir ku di sala 2023’yan de herî zêde tundî li girtîgehan hatiye kirin.
Şaxa ÎHD’a Amedê rapora xwe ya binpêkirinên di nava salekê de li bakurê Kurdistanê li dijî jinan hatine kirin eşkere kir. Di raporê de hate gotin ku di salekê de herî kêm 114 jin hatine qetilkirin û ji van 57 li malên xwe hatine kuştin.
Hêzên rejîma Îranê kolbera jin a bi navê Pirşeng Qubad Zahirî ya ji Paweyê qetil kirin û bav û birayê wê jî binçav kirin.
TJA’yê ji bo meşa ku dê bi boneya 25’ê Mijdarê li Tunela Taksîmê were lidarxistin bang kir û got: “Em biryara walîtiyê ya çalakiya me qedexe kirî nas nakin.”
Jina bi navê Yeşîm Turkmen li navçeya Belkîsê ji hêla hevjînê xwe Mert Turkmen ve hate qetilkirin.
MKG’ê bi boneya 25’ê Mijdarê daxuyaniyek da û got ku rojnamegerên jin li qadan û girtîgehan ji bo heqîqetê têdikoşin û ew ê têkoşîna xwe ya li dijî tundiyê mezintir bikin.