Komeleya Dema Jinê, derbarê jinên kurd ên li Stenbolê dijîn de raporek amade kir û got: “Ji sedî 42’yê jinan bi tundiya derûnî û ji sedî 30,40’ê wan jî bi tundiya fîzîkî dibînin. Ji sedî 54.7 jin jî dixwazin bi kurdî agahiyan bigirin.””
TJA û DEM Partiyê bertek nîşanî hevşaredarên îstîfa kirin dan û wiha gotin: “Avkevir, Bêrecûk û Aviskê îradeya jin, ciwan û gel in. Banga me ji bo kesên li dijî vê îradeyê disekinin ev e; hûn ê li hemberî îradeya jinan têk biçin.”
Meclisa Jinan a Şaxa SES a Amedê, li gundên Amedê dest bi semînerên tenduristiyê yên bi zimanê dayikê kirin. Tenduristkar Rezan Akyel got ku xizmeta bi zimanê dayikê dermankirin û teşxîsdanînê hêsantir dike.
TJA û DBP'ê li navçeyên Hewag, Pirsûs û Xelfetiyê kargehên “şerê taybet” li dar xistin. Jinên ku beşdarî kargehan bûn gotin: “Dema jin li ber xwe bide, kes nikare wê tune bike. Em ê serê xwe netewînin.”
Jinên Iraqî û êzidî diyar kirin ku hewldanên ji bo guherandina “Qanûna Rewşa Şexsî” ya li Iraqê, êrişeke li dijî mafên jinan e û wiha gotin: “Divê hêj ev qanûne nehatiye guherandin bi temamî bê rakirin. Banga me ji sazî û dezgehên li Iraqê ji bo mafên jin û zarokan têdikoşin ew e ku li dijî vê dengê xwe bilind bikin.”
Platforma Jinan a Enqereyê polîtîkayên îktîdarê yên destkeftiyên jinan hedef digirin rexne kir û wiha got: “Dê têkoşîna me ya ji bo mafên xwe bidome.”
Parlamentera DEM Partiyê Newroz Uysal Aslan di şîna Pinar Bayrak ku hatibû qetilkirin de axivî û wiha got: “Em bêçare nînin. Em ne mecbûrên malbatê ne jî mecbûrî zilam in.”
Hejmara nû ya Kovara Jinê bi manşeta “Karektera şerê li dijî jinan” derket.
Di civîna jinan a bi pêşengiya TJA'yê hat lidarxistin de, polîtîkayên tecrîdê hatin gengeşekirin.
Girtiyên jin ên di Girtîgeha Evîn a Tehranê de ku bi êşkenceyê navûdeng e, darvekirinan protesto kirin. Hat ragihandin ku di êrîşa li dijî girtiyên siyasî hatiye kirin de Werîşe Muradî birîndar bûye.
Hevseroka Giştî ya ÎHD’ê Eren Keskîn diyar kir ku teşhîrkirina bedena Kevser Elturk nehate cezakirin û wiha got: “Xwestin bi tiştên serê bedena Elturk anîn peyamê bidin gel. Lê tevgera jinan a kurd hîn bêhtir çalak bû.”
Ji Meclisa Jinan a DEM Partiyê Sema Koçê bilêv kir ku ew bi kampanyaya "Em di jiyana azad û wekhev de bi israr in, em xwe birêxistin dikin" armanc dikin ku rêxistinbûynê zêde bikin û got: "Wê tu tax nemîne ku em ê neçinê. Em ê bêtir xwe bi rêxistin bikin."
Mor Çatiyê ji Komîteya Parastina Mafên Karkerên Penaber û Ferdên Malbata Wan a NY’ê re rapora “Li Tirkiyeyê jinên penaber û tundiya li dijî wan” şand. Di raporê de pirsgirêkên penaberên jin hatin vegotin û gotin ku divê Peymana Stenbolê dîsa bikeve meriyetê.
Hanîfe Guzel diyar kir ku ew hê zarok bûye hatiye zewicandin, hevjînê wê tundiya sîstematîk lê kiriye û wê bi hêza ku ji paradîgmaya azadîxwaz a jinan girtiye li dijî feodalîzmê jiyanek nû hûnandiye.
Çalakiya ku ji aliyê Komeleya Dema Jinan ve bi dirûşma "Em li atolyeya mûmê hev nas dikin" hat lidarxistin ji aliyê jinan ve eleqeyeke mezin dît û wêneyên rengîn derketin holê.