Jinên ji bo piştevaniyê bi dilxwazî hatin Elbistanê diyar kirin ku jinên li herêmên erdhejê 8’ê Adarê bi xemgînî pêşwazî dikin lê dê jiyana di bin kavilan de mayî jinûve ava bikin û birêxistin bikin.
Seroka Desteya Rêveber a MSD’ê Îlham Ehmed diyar kir ku ji bo bidawîkirina karesata li Sûriyeyê divê hemû jin xwe li dora dirûşma “Jin, jiyan, azadî” birêxistin bikin û wiha got: “Heke jinê sûriyeyî vê nekin, dê mîna berê tune bên hesibandin.”
Dayika Aştiyê Emîne Kaya ku ji ber îfadeyên zilamê ku ew dixwaze dest ji wî berde hat girtin, anî ziman ku dewlet û zilam hevkarî kirine û got: "Di vê pêvajoyê de min fêm kir ku ya ku jinê rizgar bike, ya ku jinê xurt û bilind bike, vîna wê ye."
Jinên TJA'yî û HDP'î ku li Islahiye û Nûrdaxiyê serdana jinan kirin, peyama "Em ê birînên xwe bi hev re bicebirînin" dan. Her wiha TIR'ên Mor ên çûn gundan, ji bo jinên mexdûrên erdhejê hatin valakirin.
TJA û Meclisa Jinan a HDP’ê ku di çarçoveya bernameya 8’ê Adarê ya li Islahiyeyê de hatin gelhev ev peyam dan: “Em ê jinekê bi tenê jî ji wijdanê dîktator re nehêlin.”
Li gundê Qeman ê navçeya Elbistanê ku ji erdhejê bi bandor bû bi pergaleke xweser a di pêşengtiya jinan de hatiye avakirin birîn tên pêçandin. Muxtar Sîdar Yildiz a bi hêza çareseriyê dibe mînak wiha got: “Em bi pergaleke demokratîk hilberîna di cih de esas digirin.”
Dayikên Aştiyê ji ber ku ku gotin desthilat divê ne ji bo şer, ji bo herêmên erdhêjê seferber bibe, ketin ber lêpirsînê. Dayikan destnîşan kir ku çi dibe bila bibe dê her tim doza aştî û piştevaniyê bikin.
Alîkariyên di pêşengtiya HDP, HDK û TJA’yê de hatin komkirin bi TIR’ên Xemrî ber bi herêma erdhejê ve hatin birêkirin. Di çarçoveya çalakiyên 8’ê adarê ji jinên girtî re qert hatin şandin.
Hediye Kîn a protezên lingên wê sist bûne, di roja erdhejê ya 26’an de hêj jî negihiştiye kon.
Jinan ku gotin dê 8'ê Adarê li herêmên erdhejê bi piştevaniyê pêşwazî bikin, diyar kirin ku têmaya 8'ê Adara îsal "mor-reş û hesabpirsîn" e û ji bo jinûveavakirinê bang kirin.
Jinan li gelek bajaran starta 8’ê Adarê dan û bal kişandin ser girîngiya piştevaniyê û gotin ew bi hêrs in û dê hesab ji vê zilmê bixwazin û jiyanek nû ava bikin.
Berdevka Demê ya TJA’yê Ayşe Gokkan ku li Girtîgeha Jinan a Amedê dihat ragirtin, sewqî Girtîgeha Jinan a Sîncanê hate kirin.
Jinên şirnexî di çarçoveya çalakiyên 8’ê Adarê de bi mexdûrên erdhejê yên jin re hatin ba hev û peyama piştevaniyê dan.
Nûnerên rêxistinên jinan ên 8’ê Adarê li Hatayê bi piştevaniyê pêşwazî dikin, diyar kirin ku baweriya jinan bi dewlet û tu saziyan nayê wê nayê û wiha gotin: “Lewma jî em li vê derê ne. Li devereke tarî û di bin kavilan de jin dê bi rêya piştevanî û wêrektiyê jinûve ava bikin.”
Endama Meclîsa Jinan a KESK'ê Zeynep Korkmaz destnîşan kir ku ew ji roja ewil ve li qada erdhejê ne û bal kişand ser pirsgirêkên ku jin ûz aroka bi wan re rû bi rû dimînin. Korkmazê got ku dê alîkarî û piştevaniya wan a ji bo mexdûrên erdhejê bidome.