Hevseroka Giştî ya DEM Partiyê Tulay Hatîmogûllari, diyar kir ku komîsyona li Meclisê hatiye avakirin li ser mijarên sereke nasekine û got: “Yek ji rojeva herî lezgîn a komîsyonê ‘Mafê hêviyê’ ye. Divê şert û mercên azad ên birêz Ocalan tavilê bên avakirin. Pir girîng e ku komîsyon biçe Îmraliyê û bi Ocalan re hevdîtinê bike.”
Hevserokê Giştî yê DBP’ê Keskîn Bayindir di şahiya Roja Çapemeniya Azad de axivî û got: “Dewlet ji kamera û pênûsa we ditirse.” Bayindir, bal kişand ser rola Çapemeniya Azad û bedelên hatine dayin.
Di Operasyona Mirovî û Ewlehiyê ya li kampa Holê de 4 DAIŞ’î hatin girtin.
Li Siwêdayê ji bo aqûbeta kesên hatine revandin, çalaki hat lidarxistin. Çalakvanan diyar kir ku hêzên Hikûmeta Demkî ya Sûriyeyê sûc kiriye.
Nergîs Mihemedî, bertek nîşanî pêkanînên li dijî mamosteyên li Rojhilatê Kurdistanê da û têkildarî cezayên giran ên li aktivîst û mamostayan hatiye birîn ji Raportora Taybet a Îranê ya NY’ê re nameyek nivisand.
Di çalakiyên ÎHD'ê yên ji bo girtiyên nexweş de, hat destnîşan kirin ku jiyana Veysî Abdurrahmanoglû, Emîn Aladag û Cîhat Ozdemîr di xeteriyê de ye.
Wezareta Karên Navxweyî, Midûrê Midûriyeta Polîsan a Antaylyayê ji wezîfeyê dûr xist.
Rejîma Îranê çalakvanê berxwedana "jin jiyan azadiyê" Mêhran Behramyan ê li Girtîgeha Navendî ya Esfehanê bi darve kir.
Di çalakiyên ku ji aliyê ÎHD û xizmên windayan ve li Amed û Êlihê hatin lidarxistin de, hat xwestin ku kiryarên Mehmet Sîncar werin darizandin û li aqûbeta Ahmet Bîçîmlî hat pirsîn.
Dayikên Şemiyê di 1067'emîn çalakiya xwe de, li aqûbeta kujerên Ayten Ozturkê pirsîn ku 33 sal berê di bin çavan de hatibû qetilkirin.
Bi girseyî serdana şîna Fesîh Polat hat kirin ku hat ragihandin jiyana we ji dest daye.
Danê sibehê li kampa penaberan ya Bêrsîvê ya li sînorê îdareya serbixwe ya Zaxo ya bi ser bajarê Dihokê ku penaberên Şengalê lê diman, şewat derket. Di şewatê de sê kon şewitîn.
Amadekariyên li dijî texrîbkirina xwezaya li Herêma Bestayê didomin. Dayik, ji niha ve ji bo kesên beşdarî çalakiya nobedê bidin dest bi çêkirina nan kirin.
Nûnerên Meclisa Sûriyeya Demokratîk (MSD), li Helebê bi dîplomatên ji balyozxaneya Almanya ya li Sûriyeyê re hevdîtin pêk anîn. Her du aliyan rewşa Sûriyeyê û awayên pêkanîna aramiyê gotûbêj kirin.