Rêberê PKK’ê Abdullah Ocalan duh di hevdîtina duyemîn a bi Şandeya Îmraliyê de têkildarî pêvajoyê wiha got: “Ez gelek hêja dibînim. Divê em vê carê bi ser kevin.” Her wiha Abdullah Ocalan ji ber şewata Kartalkayayê nexwest daxuyaniyeke berfireh were dayin.
Rojbîn Kartal Manzak a DEM Partiyî ku di hilbijartinên rêveberiyên herêmî de namzeta Hevşaredariya Panosê bû, bi îdiaya “endamtiya rêxistinê” hate girtin.
Dewleta tirk bajarokê Sirînê bi balafirên şer bombebaran kir.
Parlamenterê DEM Partiyê Omer Ocalan bertek nîşanî êrişên ser Tişrînê da û wiha got: “Em êrişên ser Tişrînê şermezar dikn. Divê êriş tavilê bên sekinandin û ji bo çareseriya demokratîk gav bên avêtin.”
Girtî Emrûllah Kalkan ji Girtîgeha Hejmar 1 a bi Ewlekariya Bilind a Amedê sewqî Girtîgeha Hejmar 1 a bi Ewlekariya Bilind a Dumlu ya Erziromê hate kirin.
Şandeya Îmraliyê ya DEM Partiyê têkildarî hevdîtina dawî ya bi Abdullah Ocalan re got: “Ev pêvajo ji bo her kesî, ji bo me hemûyan jiyana azad û bi hev re ava dike.
Şaxa ÎHD’a Enqereyê “Komîsyona Şopandina Binpêkirinên Mafan ên li Dijî Çapemeniyê” ava kir. Ji endamên damezirîner ên komîsyonê Ercan Îpekçî bertek nîşanî girtina rojnamegeran da.
Li Dêrsimê rojnamegeran binçavkirin û girtina hempîşeyên xwe protesto kirin û diyar kirin ku ew ê li hemberî zextan bêdeng nemînin.
Polîsê bi navê Selahattîn Korkmaz bi wesayîtê dabû ser Şahîn Oner û bûbû sedema mirina wî. Dozger xwest bersûc Korkmaz bi sûcê “ji ber qisûra xwe bûye sedema mirinê” were cezakirin.
Di çalakiya protestokirina qeyûm a li pêşiya Şaredariya Akdenîzê de ji bo pêşîlêgirtina êrişên ser Rojava û xwedîderketina li berxwedana gel banga hate kirin.
Komeke ji rewşenbîr, rojnameger, nivîskar, hunermend û siyasetmedaran pêk tê li Iraqê “Înîsiyatîfa ji bo Azadiya Ocalan” ava kir.
MYK’a DEM Partiyê ji bo şewata li Boluyê ku 78 kesan jiyana xwe ji dest dan pênaseya “Komkujiyê” kir û wiha got: “Divê bepirsyar tavilê îstîfa bikin û piştî lêpirsîneke bibandor bi cezayê herî giran bên cezakirin.”
Rêveberiya Xweser a Bakur û Rojhilatê Sûriyeyê bang li hêzên navneteweyî kir ku ji bo hemwelatiyên sûriyeyî yên li Kampa Holê bi dilxwazî vegerin malên xwe şert û mercên pêwîst ava bikin.
Duh ji bo protestokirina endam û rêveberên ESP û SGDF’ê li Kadikoyê çalakî hat lidarxistin û gelek kes hatin binçavkirin. Ji 38 binçavkiriyan 35 jê hatin berdan.
Navenda Ragihandina HSD’ê bîlançoya şer a 24 saetên dawî eşkere kir. HSD’ê, got: “Di şer û pevçûnên duh ên li gundewarên rojhilat û başûrê Minbicê de 14 çete hatin kuştin.”