Serokên DEVA, Partiya Gelecek û Saadetê yên Amedê diyar kirin ku divê bi lezgîn pirsgirêka kurd bê çareserkirin û gotin ku ew ê piştgiriyê bidin gavên ku bên avêtin.
Endama Şaxa ÎHD'ê ya Agiriyê Parêzer Rûken Keskîn ku 3 girtiyên jin ên li Girtîgeha Patnosê rastî îşkenceya fizîkî hatin ziyaret kirin, diyar kir ku her çend 4 roj piştî îşkenceyê çûne serdana girtiyan jî, hê jî li ser laşên girtiyan şopên îşkenceyê hebûne.
Rojnameger Baran Germiyanî diyar kir ku tevî gelek dem derbas bûye li Herêma Federal a Kurdistanê hikûmet nehatiye avakirin û hêviya gel ew e ku hikûmeteke nû bê avakirin û pirsgirêkên weke şer û krîza aborî ya li herêmê çareser bibe.
Gelê Pirsûsê ku xizmên wan ên li Kobanê ya di bin gefa êrişên dewleta tirk de ne gotin: "Kurdên li vir û yên li Kobanê wekî hev in. Zarokên me li wir in, birayên me li wir in. Ha êrişî wan tê kirin ha êrişî me. Ha ew tên qetilkirin ha em. Tu ferq tune ye."
Hevserokê MED TUHAD-FED'ê Kerem Canpolat diyar kir ku hevdîtina heyeta DEM Partiyê ya li Îmraliyê û peyama ku hat dayîn girîng in û got: "Pêwîst e ûku Abdullah Ocalan bi her kesî re bi awayekî rihet hevdîtinê bike û ji bo vê jî divê azadiya wî ya fizîkî bê misogerkirin."
Şerîfe Mihemedî ku li Girtîgeha Lakanê ya Îranê tê ragirtin, rakirin nexweşxaneyê.
Hevserokên Giştî yên DEM Partiyê Tulay Hatîmogûllari û Tuncer Bakirhan û Serokê Giştî yê CHP’ê Ozgur Ozel jî di nav de, der heqê 16 parlamenteran de 26 fezleke pêşkeşî Meclisê hatin kirin.
Kerem Budak ku 2 caran tehliyeya wî hatibû astengkirin, hate tehliyekirin.
Di çalakiya nobetê ya li ser sînorê Nisêbîn-Qamişloyê de çalakvanan piştgirî dan peyama Abdullah Ocalan.
Parlamentera DEM Partiyê Dîlan Kunt Ayan di çalakiya nobetê ya li ser sînorê Kobanê de axivî û got ku di serî de îktîdar û muxalefet hewceye her kes li dora perspektîfa Abdullah Ocalan bibe yek.
Li gorî rapora IFJ’ê, di sala 2024’an de 122 rojnameger hatin kuştin.
Rêxistina Efûyê ya Navneteweyî bi bîr xist ku rojnameger Cîhan Bîlgîn û Nazim Daştan di êrişa hewayî de hatine qetilkirin û wiha got: “Divê binpêkirinên li dijî rojnamegeran bên lêkolînkirin.”
Dewleta tirk gundên Herêma Biradostê bi balafirên şer bombebaran kir.
Çalakiya nobetê ya li dijî êrişên ser Bakur û Rojhilatê Sûriyeyê li ser sînorê Pirsûs-Kobanê hatiye destpêkirin di roja 9’an de didome.