Hevşaredara Êlihê Gulistan Sonuk diyar kir ku ew xespkirina dîwaran nas nakin û wiha got: “Dibe ku em nekarin rêyan qîr bikin lê dê têkoşîna me ya ji bo pêşîlêgirtina tundiyê û ya li dijî tiryakê ku dixwazin li Kurdistanê belav bikin bidome.”
Parêzer Civan Ortaç diyar kir ku lihevkirin û aştiya civakî bi rakirina tecrîda li Îmraliyê pêkane. Ortaç, da zanîn ku 4 hezar kes li girtîgehan hene ku li benda “mafê hêviyê” ne.
Tahir Elçî li pêşiya Mînareya Çarling ku 9 sal berê li wir hatibû qetilkirin, hate bibîranîn. Di bîranînê de hat gotin ku faîlên Elçî hêj jî nehatine girtin.
Fermandarê Biryargeha Navendî ya NPG’ê Mûrat Karayilan bal kişand ser qedexeya hevdîtinê ya bi Abdullah Ocalan re û tayînkirina qeyûman û wiha got: “Bi vê rêbazê nikarin emcamekî bi dest bixin. Bila dev ji taktîka zexta li ser Rêbertiya me berdin.”
Rojnameger Bêrîtan Zagros diyar kir ku êrişeke îxtîmalî ya li dijî Iraqê dê bandoreke neyînî li Şengalê bike û wiha got: “DYA û Îsraîl di bin navê ‘ewlehiya Îsraîlê’ de bi hinceta Haşdî Şabî dixwazin girên stratejîk yên weke Çilmêranê bigirin. Komên nêzî Îranê jî heman tiştan digixwazin.”
Ekolojîst Ertûgrûl Barka diyar kir ku li cîhanê ji ber şer, pevçûn û krîza avhewayê bi milyonan mirov koçber bûne û got ku çareseriya van pirsgirêkan di civaka ekolojîk-komunal de ye.
Girtiyên siyasî ya Girtîgeha Evînê ya Tehranê ragihandin ku ew li dijî cezayê darvekirinê ya li djî Werîşe Mûradî û Nêrgiz Mihemedî dest bi çalakiya greva birçîbûnê kirine.
Ji ber berfa zêde rêyên 98 gundên Amedê li çûnhatinê hatin girtin. Şaredariya Bajarê Mezin a Amedê li 5 navçeyan û herêma Qerejdaxê 625 kilometre rê li çûnhatinê vekir.
Endamên DEM Partî û TÎP’ê yên Meclisa Giştî ya Dêrsimê bertek nîşanî qeyûm dan û ji civînê derketin.
Danişîna doza Ahmet Gun ê DEM Partiyî ku ji hêla cerdevanan ve hatibû qetilkirin, ji ber xisûsên kêm ên di dosyayê de hate taloqkirin.
Binçavkirina zêdetirî 200 kesan ku rojnameger, siyasetmedar, parêzer, akademîsyen, helbestvan û nivîskar jî di nav de ne, li gelek bajaran hatin protestokirin.
Sê ciwanên êrişên dewleta tirk ên li dijî gundê Guherzê yê Herêma Federe ya Kurdistanê kişandin û li ser hesabên xwe yên medyaya dijîtal parve kirin, ji hêla PDK’ê ve hatin binçavkirin.
Platforma Elewiyan a Edeneyê bertek nîşanî tayînkirina qeyûm a li Şaredariya Dêrsimê da û got: “Dev ji vê derbeya li dijî îradeya gel berdin.”
Ji binçavkiriyên di çarçoveya lêpirsîna navenda wê Enqereyê de hatin binçavkirin 10 jê anîn Enqereyê.