Hevserokên DEM Partiyê yên Esenyûrtê Rojda Yilmaz û Abdullah Arina hatin binçavkirin. Li Mêrdînê jî di serdegirtinên malan de 7 kes hatin binçavkirin.
Di qezaya ku li ser rêya bejahî ya Kerkuk û Hewlêrê çêbû de 4 kesan jiyana xwe ji dest da.
Neteweyên Yekbûyî di raporek xwe de diyar kir ku gendeliya herî mezin ya li Herêma Kurdistanê, li parêzgeha Hewlêrê pêk tê.
Dixtor Cegerxwîn Polat diyar kir ku cureyên belavbûna vîrusa “Sorika Meymûnan” pirr in û xwest di cihên wek wesayîtên komguhêz de maske werin bikaranîn û pêşîlêgirtinên vê nexweşiyê yên ku divê Tirkiyeyê bike rêz kir.
Mûzaffer Îşnaz ê çû hevdîtina kurê xwe yê li Girtîgeha Tîpa L a Erzîncanê tê ragirtin, diyar kir ku rastî ferzkirina gardiyanan a “bi tirkî biaxive” hatiye.
Rojnamevan Ahmet Guneş ku diyar kir serlêdanên ji bo Xelatên Rojnamevaniyê yên Mûsa Anter û Şehîdên Çapemeniya Azad didomin û got ku xelat di warê domandina kevneşopiya Çapemeniya Azad de girîng in.
Seta pirtûkan a "Şaristaniya Demokratîk" a ji pênc bergan pêk tê ya Abdullah Ocalan, tevî biryara "binpêkirinê" ya DMME'yê jî zêdetirî du mehan e radestî girtî Veysî Aktaş nehat kirin.
Siyasetmedar Gultan Kişanak ku di Nobeda Şîşhaneyê de ya li dijî tayinkirina qeyûm a li Şaredariya Colemêrgê axivî, got: "Heya hûn hebin em ê jî hebin. Ev vîn, xwedîlixwederketin e."
Li gundê Gogan ê navçeya Xelfetî ya Rihayê kesê bi navê Gafarî Çolak hevjîna xwe ya bi navê Gulîzar Çolakê qetil kir.
Dayikên Aştiyê yên ji bo îfadeya dozgeriyê ji Geverê çûbûn Wanê û di vegerê de qeza kiribûn Adalet Safali û Sosin Akçelîk û parêzerên wan Cîhan Akçelîk û Erdal Safali li ser gorên xwe bi girseyî hatin bibîranîn.
3 karkerên înşeatê yên dema li navçeya Altieylulê li parkekê stranên kurdî guhdar dikirin hatin binçavkirin. Ji karkeran Cemal Guzel bi sûcdariyên “propagandaya rêxistinê” û “rabûna li ber polîsan” hatin girtin.
Tirkiyeyê gundê Gelale ya bajarokê Şarbajêr a girêdayî Silêmaniyê bombebaran kir.
Serdana şîna kedkara Çepemeniya Azad Emîne Demîrê ya li Qoserê bi awayekî girseyî hate kirin.
Laçika kesk û sor û zer a di şeva hineyê de li serê Fikriye Baykûrtan Savaş a di serdegirtina malê de hate binçavkirin bû weke sûc hate hesibandin.