HD’a Enqereyê şahiya salvegera 38’emîn a damezrandina xwe li dar xist. Hevseroka DEM Partiyê Tulay Hatimogûllari axivî û got: “Ji her demê bêtir hewcedarî bi têkoşîna mafên mirovan heye.”
Halîl Arslan ê li Girtîgeha Ewlehiya Bilind a Amedê dihat ragirtin, piştî 30 salan hat berdan.
DBP, TJA û DEM Partiyê li dijî êrişên Tirkiyeyê yên li ser başûrê Kurdistanê nerazîbûn nîşan da û destnîşan kirin ku PDK şirîkatiya şerê li dijî kurdan dike û ev êriş li pêşiya statûya kurdan asteng in. Saziyan da zanîn ku ew li dijî êrişên Tirkiyeyê ne û siyaseta PDK'ê dûrî berjewendiyên kurdan e û rewşa PDK'ê têde ye wek "xiyanetê" pênase dikin.
Raportora Taybet a NY’yê ya li Dijî Îşkenceyê Maeda Naoko der barê tecrîda li Îmraliyê de pirs ji şandeya Tirk kir. Şandeya Tirk a ku nikarîbû bersiva hiqûqî bide got: “Tecrîd tine, qedexe heye.”
DEM Partiyê diyar kir ku tevî bi ser erdhejên navenda wan Mereşê re salek û nîv derbas bûne jî hêj jî xelkê herêmê mexdûr e û ji bo vê pêşnûmeya lêkolînê da Meclisê.
Şaredariya Serêkaniyê, Tesîsa Hilberandina Parkeyên Kilîdkirî ku ji hêla AKP’ê ve hatibû girtin dîsa xist fealiyetê û hilberîn dest pê kir.
Cenazeyê Mahsum Kaya ku li çoltarê Şirnexê di encama bombebaranê de jiyana xwe ji dest dabû, piştî 6 salan radestî malbata wî hate kirin.
Mamosteyên Sendîkaya Perwerdehiyê ya Taybet, piştî ku anîna pêşnûmeqanûnê ya li Meclisê hate taloqkirin “Nobeta xwe ya Perwerdehiyê” bi dawî kir.
Raportorên Taybet ên Komîteya li Dijî Îşkenceyê ya NY’ê diyar kir ku Abdullah Ocalan bi tu awayî nikare bi derve re têkiliyan deyne û tu agahî jê nayên girtin. Raportoran gotin ku Tirkiyeyê bi biryarên binpêkirinê nekiriye û jê xwest ku sedema vê rewşê eşkere bike.
Li navçeya Sûrê avahiya PTT’ê ya dîrokî hate valakirin û hate îdiakirin ku dê ji rantê re bê vekirin. Haber Sen a têkildarî îdiayan daxuyanî da, wiha got: “Dîroka me ne qada rantê ye.”
Hevserokê Şaxa ÎHD’A Îskenderûnê Coşkun Selçuk diyar kir ku ÎHD kete sala 38’emîn û wiha got: “Em dibêjin baş e ku ÎHD heye. Parastvanên mafên mirovan bêdeng neman û dê bêdeng nemînin.”
Şaxa ÎHD’a Amedê rapora xwe ya binpêkirinên mafan a 6 mehan eşkere kir. ÎHD’ê da zanîn ku di 6 mehan de herî kêm 3 hezar û 895 binpêkirinên mafan hatine kirin.
Huseyîn Beyoglû yê AKP’î ku li Şaredariya Rezanê mutehid girêdayî bertîlê kiribûn, li ser biryara dadgehê hate girtin.
TEV-DEM’ê bi boneya salvegera Şoreşa Rojava daxuyanî da û banga xwebirêxistinkirina li ser bingeha şerê gel ê şoreşgerî û mezinkirina têkoşînê kir.
Serokê Giştî yê Egîtîm Sen’ê Kemal Irmak, diyar kir ku hevdîtina têkildarî “Qanûna Pîşeyî ya Mamostetiyê” li Meclisê dihate kirin, taloqî meha Cotmehê bûye û wiha got: “Em naxwazin hevdîtin bên taloqkirin, em dixwazin bi temamî paş ve bê kişandin.”