Berdana girtiyê nexweş Alî Şen ê 31 sal in girtî ye û di Girtîgeha Hejmar 2 ya Tîpa T a Yozgatê dê tê ragirtin, bi hinceta “poşmantiyê” qebûl nekiriye cara çaremîn hate taloqkirin.
Xizmên Windakiriyan li gelek bajaran hatin gel hev û xwestin ku aqûbeta windakiriyan bê eşkerekirin û faîlên wan bên darizandin.
Dayikên Şemiyê di çalakiya xwe ya vê hefteyê de aqûbeta Selîm, Hasan û Cezayîr Orhan pirsîn ku di sala 1994’an de li navçeya Pasûrê hatibûn binçavkirin û windakirin. Her wiha bang hate kirin ku dadgeh biryarên DMME’yê pêk bîne.
Cezayên di Doza Kobanê li siyasetmedaran hatin birîn li Şirnex û Hatayê hatin protestokirin.
Ji 8 girtiyên li Girtîgeha Tîpa T ya Tokotê tên ragirtin re 11 roj cezayên hucreyê hate birîn.
Di encama topbarana li dijî gundên Şehbayê de 2 zarok birîndar bûn.
Sînan Çîftyurek ê DEM Partiyî destnîşan kir ku bi Projeya Riya Pêşketinê” destkeftiyên kurdan tên hedefgirtin û wiha got: “Divê gelên Tirkiyeyê ji bo krîza aborî kurtir nebe, li dijî vî şerî bisekine.
Di nava 6 salan de li Efrînê 10 hezar kes hatin revandin û 463 kes hatin qetilkirin.
Partî û saziyên sosyalîst diyar kirin ku bi biryarên Doza Kobanê re hewl hatiye dayîn ku rê li ber piştevaniya bi gelê kurd re were girtin û wiha gotin: “Divê li dijî vê em bi hev re têbikoşin.”
Tevgera Goran têkildarî biryarên di Doza Kobanê de ji DEM Partiyê re peyam şand û cezayên hatine birîn şermezar kir. Di peyamê de hate gotin ku rêya çareseriyê bidawîkirina tecrîdê û guftûgo ye.
Nesrîn Nas destnîşan kir ku biryara di Doza Kobanê de hatiye dayîn biryareke siyasî ye û got: "Ev biryar ji bo siberoja Tirkiyeyê biryareke hêvîşikestinê ye."
Girtiyên siyasî yên li girtîgehên bakurê Kurdistanê û Tirkiyeyê bi daxwaza azadiya fizîkî ya Rêberê PKK’ê Abdullah Ocalan û çareserkirina pirsgirêka kurd 174 roj in di çalakiyê de ne.
Ahmet Farûk Unsal ku cezayê di Doza Kobanê de li siyasetmedaran hat birîn nirxand, got: "Ger armanca wan û tolhilanîna DAIŞ'ê hebe, ev hewldaneke bêhûde ye. Ji lew re DAIŞ, li hêla têkûçûyînê ya cîhanê cih girt û tevgera kurd jî li hêla rast cih girt."
Muhsîn Beydoganê ku 18 sal in mêşvaniyê dike, anî ziman ku ji ber bihabûna amûran û ji ber "ewlehiyê" ku nikaribin biçin zozanan, êdî hatine asta ku nikaribin bixebitin.
Ji edîtorê Rojnewsê rojnameger Silêman Ehmed ku li Deriyê Semelkayê ji hêla Asayîşa PDK’ê ve hatibû revandin ev 207 roj in tu agahî nayên girtin.