Hevseroka Giştî ya DBP'ê Çîgdem Kiliçgun Ûçarê got: "Qesrê winda kir, mehkûmî windakirinê ye. Gelê kurd û şoreşger, ji parêzbendiya dewletê mezintir xwedşî parêzbendiyekê ne. Ew jî berxweda û têkoşîn e."
Di çalakiyên girseyî yên li Amed, Stenbol û Edeneyê de cezarkirina siyasetmedaran di Doza Kûmpasê ya Kobanê de, hatin protestokirin.
Parêzvanê Şaredarê Berwariyê yê AKP’î Teyyar Ozcan ê bi navê S.B., da zanîn ku ji ber sûcê bazirganiya tiryakê 5 salan girtî ma ye lê ev bazirganî ne wî, Ozcan kiriye.
Înîsiyatîfa Azadî ji bo Girtiyên Nexweş di hefteya 506’emîn de pirsgirêkên tenduristiyê yên girtiyên nexweş ên temenê wan bi ser 65 salî re rêz kirin.
Girtiyê nexweş Şehmûz Îlhan ku 30 salan girtî ma, ji girtîgehê derket û hate bajarê xwe Şirnexê.
Egîtîm Sen a Wanê 1’emîn Sempozyûma Zimanê Kurdî ya li dar dixe da destpêkirin. Zimanzan Samî Tan wiha axivî: “Kuştina zimanekî komkujî ye. Asîmîlasyona ziman ne sûcê mirovahiyê ye, sûcê li dijî mirovahiyê ye.”
Li Şirnex, Amedê û Mêrdînê ji bo “Şehîdên Meha Gulanê” merasîmên bîranînê hatin lidarxistin û peyamên domandina têkoşînê hatin dayîn.
Berdana girtiyê nexweş Alî Şen ê 31 sal in girtî ye û di Girtîgeha Hejmar 2 ya Tîpa T a Yozgatê dê tê ragirtin, bi hinceta “poşmantiyê” qebûl nekiriye cara çaremîn hate taloqkirin.
Xizmên Windakiriyan li gelek bajaran hatin gel hev û xwestin ku aqûbeta windakiriyan bê eşkerekirin û faîlên wan bên darizandin.
Dayikên Şemiyê di çalakiya xwe ya vê hefteyê de aqûbeta Selîm, Hasan û Cezayîr Orhan pirsîn ku di sala 1994’an de li navçeya Pasûrê hatibûn binçavkirin û windakirin. Her wiha bang hate kirin ku dadgeh biryarên DMME’yê pêk bîne.
Cezayên di Doza Kobanê li siyasetmedaran hatin birîn li Şirnex û Hatayê hatin protestokirin.
Ji 8 girtiyên li Girtîgeha Tîpa T ya Tokotê tên ragirtin re 11 roj cezayên hucreyê hate birîn.
Di encama topbarana li dijî gundên Şehbayê de 2 zarok birîndar bûn.
Sînan Çîftyurek ê DEM Partiyî destnîşan kir ku bi Projeya Riya Pêşketinê” destkeftiyên kurdan tên hedefgirtin û wiha got: “Divê gelên Tirkiyeyê ji bo krîza aborî kurtir nebe, li dijî vî şerî bisekine.
Di nava 6 salan de li Efrînê 10 hezar kes hatin revandin û 463 kes hatin qetilkirin.