Emîne Şenyaşar ku ji ber sedema doza ‘heqeret li memur cemawerî kiriye’ li Rihayê bû, nobeta Edeletê ya li ber wezaretê jî bêyî Emîne Şenyaşar berdewam kir. Ferît Şenyaşar di nobeta Edeletê de daxivî û got: “Dayika min îro li Rihayê wek gumanbar tê darizandin. Lê kesên ku sê mirov qetilkirin nayên darizandin. Divê tu kes li dijî vê bêdadiyê bêdeng nemîne. Divê her kes bi vê dayikê re têkoşînê mezin bikin.”
Saziyên ziman biryara di Doza Kobanê de hat dayin şermezar kirin û gotin: "Tu biryar yan tu ceza nikare riya siyaseta demokratîk a azadîxwaz bigire yan jî têkoşîna kurdan li paş bihêle. "
Xizmên girtiyan li Wan, Edene û Mêrsînê bi çalakiyên “Tecrîdê bi dawî bikin”, xwestin tecrîda girankirî ya ser Rêberê PKK’ê Abdullah Ocalan were rakirin.
Li Colemêrgê ji 11 kesên ku di 15’ê gulanê de hatibûn binçavkirin 6 hatin girtin û 5 jî bi şertê kontrola edlî hatin berdan.
DEM Partî ya li Curnê Reş li 12 gundan xebatên hilbijartinê kir, ev peyam da: “Em ê vê carê bi ferqeke zêdetir û teqez dîsa bi dest bixin.”
Hevşaredarê Serêkaniyê Ugur Kahraman da zanîn ku pereyê ji Banka Îllerê hatiye şandin bi têrî lêçûnên xebatkarên şaredariyê jî nekiriye.
Şaxa ÎHD’a Îzmîrê daxuyand ku di sala 2023’yan de li girtîgehên Herêma Egeyê 934 binpêkirinên mafan pêk hatin.
Siyasetmedar Gultan Kişanak li Amedê bi dirûşma “Jin, jiyan, azadî” hate pêşwazîkirin. Kişanak, wiha got: “Di vê têkoşînê de wijdan bi ser ket, mîna Kobanê bi ser ketî. Dê doza kompasê ya Kobanê jî biçe sergoya dîrokê.”
Dewleta tirk û komên paramîlîter ên girêdayî wê gundên Til Mediq ê herêma Şehbayê topbaran kirin.
Cezayên di Doza Kobanê de li siyasetmedaran hatine birîn li gelek bajaran bi daxuyaniyan hatin prostestokirin.
Meclisa Şaredariyê ya Sêrtê, hin biryarên têkildarî neguhêzbarên şaredariyê ku ji aliyê qeyûm ve tehsîsî fîrmaya AKP’î, qeymeqamtî û Ocaxa Ulkuyê hatine kirin, betal kirin.
Welatiyên Wanê bertek nîşanî cezayên di Doza Kobanê de hatine dayîn dan û weke “qirkirina siyasî” nirxandin. Welatiyan diyar kirin ku biryar ne ji hêla dadgehê ve lê ji hêla îktîdarê ve hatiye dayîn.
Li Amedê daxuyaniya di çarçoveya Hefteya Windakiriyan hate dayîn de ji bo ku li Meclisê “Komîsyona Lêkolînê ya Heqîqetan bê avakirin” bang hate kirin.
Wezîrê Edaletê Yilmaz Tunç têkildarî biryarên di Doza Kobanê de wiha got: “Em ê xwe li benda pêvajoyên îstînafê û temyîzê bigirin.”
Hevserokên Giştî yên DEM Partiyê Tulay Hatîmogûllari û Tûncer Bakirhan nameyek ji hilbijêrên Curnê Reş ku dê hilbijartin dîsa lê bê kirin û wiha got: “Em ê bi hev re di 2’yê hezîranê de govenda serkeftinê bigerînin.”