Komeleya Rojnamegerên Dicle Firatê (DFG) rapora Binpêkirina Mafên Mirovan a meha Gulanê ya rojnamegeran aşkere kir. Li gorî raporê 3 rojnameger hatin girtin û ji 78 rojnamegeran hatin darizandin û ceza li 4 rojnamegeran hat birîn.
Rojnameya Serxwebûnê piştî biryara fesîxkirinê ya PKK'ê ragihand ku weşana xwe ya 44 sal in dewam dike bi dawî kirin. Hat diyarkirin ku Serxwebûn wê di dema nû de di weşanên nû de bijî û rol bilîze.
Hayatî Kurul ê birayê Necatî Kurul ku 10 sal berê li Amedê di êrîşa DAÎŞ'ê de jiyana xwe ji dest da got ku, eger tê xwestin pêvajoya aştiyê ya rasteqîn pêk were, divê dewlet ji malbatan lêborînê bixwaze.
Perspektîfa dîrokî ku Rêberê Gelê Kurd Abdullah Ocalan ji beşa destpêkê û 7 xalan pêk tê û ji bo 12'emîn Kongreya PKK'ê hatibû şandin di mijara dîrokî, felsefîk, teorîk û polîtîk ve ji bo serdema nû belgeyeke berfireh e.
10'emîn Pakêta Darazê ku ji aliyê DEM Partî û partiyên muxalîf ve hat rexnekirin, di Lijneya Giştî ya Meclisê de hat qebûlkirin. 8 xalên ku rêziknameyên têkildarî înternetê û hukmên der barê sûcdarên zarokan de jî di nav de hene, bi peymana di navbera partiyan de ji metnê hatin derxistin.
Girtiyê nexweş Nûrettîn Başaran ê ku ATK’ê 2 caran der barê wî de rapora “rewşa wî ya ji bo mayîna li girtîgehê ne guncan e” dabû, hate berdan û wihat got: “Di pakêta darazê de tiştên dihatin hêvîkirin tunebûn.”
Di lêkolîna Sosyo Politik a li ser pêvajoyê de, desteka ji bo biryarên kongreya PKK'ê ji sedî 71,5 ye. Piraniya hemwelatiyan diyar kirin ku pêşketina pêvajoyê girêdayî helwesta meclis û hikûmetê ye.
Rêveberê Navenda Giştî ya OHD'ê parêzer Mehmet Oner diyar kir ku di meha îlonê de 'mafê hêviyê' di Wezîrên Konseya Ewropayê de careke din bê rojevê û dê heta wê demê ji bo Tirkiye têkildarî mafê hêviyê gav biavêje dê xebatên xwe bidomînin.
Andy Carl ku li ser hevdîtinên aştiyê yên li welatên cuda şêwirmendiyê dike û ji bo pêvajoya çareseriya pirsgirêka Kurd destnîşan kir ku yek ji şertên pêşvebirina pêvajoyên bi vî rengî, tevlîbûna bi temamî ya rêberên siyasî ye.
Seroka Giştî ya Partiya Şoreşger a Yekbûyî Elîf Torûn Oneren, der barê nîqaşên li ser pirsgirêka Kurd wiha axivî: “Perpirsiyarî hildana sosyalîstan erkeke dîrokî ye. Di vê pêvajoyê de perpirsiyariya şoereşgeran mezin e.”
Di çarçoveya lêpirsîna der barê Şaredariya Bajarê Mezin a Stenbolê de şaredarên CHP'î yên Buyukçekmece, Avcilar, Gazîosmanpaşa, Seyhan û Ceyhan jî di nav de 22 kes hatin girtin.
Analîstê daneyan James Stevenson, diyar kir ku bi pêşketina teknolojiyê re 'îstîsmara online' a li zarokan qadên nû bi dest xistine û got, "Materyalên îstîsmarê (AI-Gen CSAM) yên zarokan ên bi teknolojiya sûnî hatine çêkirin sedema fikaran e. Divê hemû welat, civak û sazî bikevin nava tevgerê û dê û bav zarokên xwe ji nêz ve bişopînin."
S.B. a ku hevjîna dadgêrê Dadgeha Îdarî ya Herêma Stenbolê M.B. ji aliye dekbazan ve dora 8 mîlyon TL hatibû xapandin, piştî ku dekbaz nehatin dîtin, dozgeriyê biryara tedbîrê da ser 88 mîlyon TL’ê ku S.B. jê krîpto kirîbû.
Bi hezaran xelkê Helebê, bi daxwaza azadiya fîzîkî ya Rêberê Gelê Kurd Abdullah Ocalan, di bin diruşma "Azadiya fîzîkî ya Rêber Apo mifteya çareseriya pirsgirêka Rojhilata Navîn û pirsgirkêka Kurd e" de meşek li dar xist.