Berdevka Komîsyona Hiqûq û Mafê Mirovan HDP’ê Ayşe Acar Başaran, diyar kir ku binpêkirinên mafan ên herî giran li girtîgehên Tirkiyeyê tên jiyîn û got: “Li dijî girtiyên nexweş nêzîkatiyek cuda heye. Li Tirkiyeyê kiryarên cezayê mirinê tên bicihanîn.”
HDP ku amadekariyên xwe yên kongreyê didomîne, dê civîna MYK'ê pêk bîne. Di civînê de li ser nermkirina biryara partiyê ya ji bo 2 serdeman nîqaş bên kirin.
Parlamenterê HDP’ê Mûsa Pîroglû bal kişand ser bûyerên windabûnê yên ji meha çile vir ve pêk tên û got: “Dewlet vegeriyaye ser kodên xwe yên salên 90’î.” Parlamenterê CHP’ê Sezgîn Tanrikûlû jî got rayedarên dadî ji destpêkê ve lêpirsînên bêbandor birêve dibin.
Hevberdevkê HDK'ê Sedat Şenoglû, diyar kir ku li Tirkiye û herêmê li hemberî siyaset krîzî bernameyeke çareseriyê berpêş kirine û di fîkriyata vê bernameyê de keda mezin a Rêberê PKK'ê Abdullah Ocalan e. Şenoglû, got: "Divê HDP, ji rewşa parastinê derkeve. Startejiyeke hemleyî pêş ve bixe".
Wekîla Serokê Koma HDP’ê Fatma Kûrtûlan diyar kir ku hêj di bin felaketa aşûtê de însan hene û bûyer ji raya giştî tê veşartin û banga avakirina komîsyonê li Meclîsê kir.
Wezîrê Karên Derve Mevlûd Çavûşoglû, têkildarî hevdîtinên di navbera wan û Rûsyayê de axivî û diyar kir ku heke encameke ji hevdîtinên wan dernekevin dê Erdogan û Pûtîn hevdîtin bikin.
Hevseroka KCD'ê Leyla Guven tev li xebatên Rêxistina HDP'ê ya li Stenbolê ya kongreya mezin bû. Guven, diyar kir ku sedema hemû pirsgirêkan ji ber neçareseriya kêşeya Kurd e û wiha got: "Kurd êdî jiyana bê statu qebûl nakin. Ocalan 22 salin li Îmraliyê li ber xwe dide û ev komplo vala derxistiye."
Hevserokê Giştî yê HDP'ê Sezaî Temellî, geşedanên li Tirkiye şiband Guernîce Pîcassoyê û wiha got: "Ger ku mirov dibêjin 'Zarok birçî ne' û xwe dişewitînin şerma vî welatî ye. Divê em dawî li van êşan bînin.
Şandeyek Rûsya ji bo şerê li Idlîbê hevdîtinan bike hat Enqereyê.
Hevserokê HDP’ê Sezaî Temellî yê ji bo felaketa aşûtê çû Wanê û serdanan pêk tîne got: “Di felaketa aşûtê de xemsarî, xeta û sûcek mezin heye.”
Hevseroka HDP’ê Pervîn Buldan di kongreya MED TUHAD-FED’ê de axivî û bal kişand ser tecrîda li Îmraliyê û wiha got: “Tecrîd sûcê mirovahiyê ye. Yasa ji bo girtiyên din çi be ji bo birêz Ocalan jî ew e.”
Berdevkê HDP’ê Gunay Kubîlay polîtîkaya îqtîdarê ya Idlibê rexne kir û got: “Bêşert û merc divê Tirkiyê ji axa Sûriyê derkeve. Divê pêşiya pêvajoyek siyasî veke û ji mafê diyarkirina mafê xwe ya gelên Sûriyê re hurmet nîşan bide.”
HDP’ê, şandeya Komîsyona Venedikê li Meclîsê qebûl kir. Komîsyon di hevdîtinê de, têkildarî tayînkirina qeyûman, girtin û binçavkirinên li dijî partiyê hatin agahdarkirin.
HDP bi boneya 39 kesên di felaketa aşûtê ya li Miksê de jiyana xwe ji dest dan dê beşdarî Desteya Giştî ya Meclîsê nebe.
Serokwekîlê Koma HDP'ê Sarûhan Olûç, destnîşan kir ku armanca pêşnûmaya AKP'ê, qeyûm tayînî rojavayê welat bike û got: "Di serî de Stenbol û bi giştî gelek şaredarî di hedefê de ne."