Hevseroka Giştî ya Partiya Demokratîk a Gelan (HDP) a berê Fîgen Yuksekdag beriya bê hilbijartin û parlemneter di 13'ê Sibata 2012'an de li Edeneyê çûbû ser gora endama Partiya Marksîst Lenînîst Komunîst (MLKP) Yasemîn Çîftçî û ew bibîr anîbû. Yuksekdag piştî hatibû hilbijartin û bûbû parlementer ji ber vê hatibû darizandin û bi cezayê lê hatibû birîn parlementeriya wê hatibû betalkirin.

 

Dadgeha Destûra Bingehîn (AYM) destnîşan kir ku mafê hilbijartinê yê Hevseroka Giştî ya Partiya Demokratîk a Gelan (HDP) a berê Fîgen Yuksekdag hatiye binpêkirin. AYM'ê di biryara xwe de diyar kiriye ku piştî Yuksekdag bûye parlementer darizandina wê dewam kiriye, lê belê ev binpêkirina mafê parêzbendiyê ye û bi vî awayî xebatên wê yên hilbijartinê û siyasî hatine astengkirin. 

 

Dadgeha Cezayê Giran a 7'an a Edeneyê di 27'ê Mijdara 2013'an de bi îdiaya "propagandaya rêxistinê" 10 meh ceza li Yuksekdag birîbû û gava ev ceza li temyîzê bû Yuksekdagê di 1'ê Mijdara 2015'an de bûbû parlementera Wanê. Piştî Yuksekdagê bûbû parlementera Wanê Daîreya Ceza ya 16'an a Dadgeha Bilind jî di 22'yê Îlona 2016'an de cezayê lê hatibû birîn pesend kiribû. 

 

AYM'ê di biryara xwe de bal kişandiye ser xala 83'yan a Qanûna Destûra Bingehîn û diyar kiriye ku kesekî/e ku piştî bibe endama Meclisê beriya hilbijartinê an jî piştî hilbijartinê bi tu sûcî nayê tawanbarkirin û nakeve ber lêpirsînê. AYM'ê diyar kiriye ku lewma domandina darizandina Yuksekdag binpêkirina mafê hilbijartinê û xebatin hilbijartinê û siyasî ye. 

 

Her wiha AYM'ê biryar daye ku ji ber vê binpêkirina mafan 30 hezar TL tazmînata manewî bê dayîn.