Meclîsên Jinan sibê 2’yemîn Hevdîtina Jinan a Tirkiyê li Navenda Mustafa Kemal Ataturk a Beşîktaşa Stenbolê dê pêk bîne. Tê payîn ku ji 50 bajaran bi sedan jin beşdarî vê hevdîtinê bibe û dê jin nexşerêya 2 salên pêş derbixe. 

 

Nûnera Platforma Em ê Cînayetên Jinan Rawestînin û ji Meclîsên Jinan Melek Onder têkildarî vê hevdîtinê ji ajansa me re axivî û 

 

XWEPÊŞANDANAN ENCAM DAYE 

 

Onder da zanîn ku bi salane ew li dijî her cûre tundiya li ser jin û zarokan têdikoşin û di salên dawî de têkoşîna jinan mezin bûye. Onder anî ziman ku xwepêşandan û têkoşîna jinan a li dijî tundî û desthilatdarî-zilam her ku diçe berbal dibe û protestoyên Las Tesîs kir ku dewlet neçar ma giştînameya amade bike. Onder da zanîn ku her êriş zêde dibin li dijî vê yekê jî têkoşîna jinan hin berfirehtir dibe û her roj li qadan dengê xwe bilind dikin. Onder got her cûre xebat û têkoşîna jinan dê di vê Hevdîtina Jinan de bê gengeşekirin û bi awayên berifireh li serê bisekinin. 

 

DÊ XETA XWE YA POLÎTÎK DIYAR BIKIN

 

Onder bi bîr xist ku di meha çile de 27 jin ji aliyê zilaman ve hatine qetilkirin û 7 jin jî bi awayên guman jiyana xwe ji dest dane. Onder diyar kir ku têkoşîna jinan her ku diçe kuştinan kêmtir dike û ev yek helbet têrê nake û ji bo vê yekê jî dê xeta xwe ya polîtîk diyar bikin. 

 

DÊ JI GELEK DEVERAN JIN BEŞDAR BIBIN

 

Onder da zanîn ku ew li bendê ne jinên xwedî nasname û baweriyên cuda jî beşdarî vê civîna wan bibin û got ew ji her deverên cîhanê li bendê ne jin beşdar bibin.

 

DÊ NEXŞERÊ DIYAR BIKIN

 

Onder destnîşan kir ku ew ê di vê hevdîtinê de hemû pêşniyarî û nêrînan bi awayek hevpar binirxînin û nexşerêya du salên pêşiya xwe diyar bikin. 

 

MA / Erdogan Alayûmat