Rojnamevan Frederike Geerdink ku di Koma Aştî û Civaka Demokratîk de cih girt, diyar kir ku ev gava ku hatiye avêtin bangek ji dewletê re ye ku "tiştekî bike" û got: "Çek hatin şewitandin, lê têkoşîn hîn bi dawî nebûye."
Malbatên Huseyîn Nas û Tacdîn Işik ên endamên Koma Aştî û Civaka Demokratîk, diyar kirin ku ew aştiyê dixwazin û gotin: "Tevahiya cîhanê hêza teorîk û pratîkî ya Abdullah Ocalan ji bo aştiyê dîtiye. Em bi Ocalan bawer in. Gelê kurd û PKK heta dawiyê girêdayî wî ne."
SOHR'ê daxuyand ku hejmara qurbaniyên pevçûnên li Siwêdayê bûye 516 û ji van, 86 kes hatine daliqandin.
Girtiyên siyasî yên li Girtîgeha Hejmar 2 a Ewlehiya Bilind a Xarpêtê, li dijî îşkence, muameleya nebaş û astengkirina berdana girtiyan dest bi greva birçîbûnê kirin.
Li Girtîgeha Kirşehîrê gardiyanan, ji ber pêvajoyê sixêf li Bahçelî û Erdogan kirine û cendirmeyên girtîgehê jî, bi "darbeyê" gef li girtiyan xwariye.
Jinan bertek nîşanî êrişa li ser malbata ku ji ber muzîka kurdî guhdar kiribû bi êrişê re rû bi rû mabû, dan. Jinan got: "Em ji bo jinan û hemû gelan, jiyaneke wekhev, aştiyane û azad dixwazin."
Şîna ji bo endamê QSD'ê Abdullah Akyuz ê ku hat gotin di berxwedana Tişrînê de jiyana xwe ji dest daye, bi girseyî hat ziyaretkirin. Malbata Akyuz got: "Em ser bilind in, em bi wan serfiraz in."
Hevserokên Giştî yên DEM Partiyê Tûncer Bakirhan û Tulay Hatîmogullari serdana Hevserokê Giştî yê HDP’ê yê berê û Selahattîn Demîrtaş kirin û ji bo tevkariyê li pêvajoya aştiyê bikin divê rêya wan bê vekirin.
Mecît Alagoz, piştî 32 salan tehliye bû û li bajarê xwe yê Îdirê bi coş hate pêşwazîkirin.
Saye Sîdal a li Girtîgeha Qerçek ê ragirtin, ragihand ku li dijî Pexşan Ezîzî tundiyên fîzîkî û yên dêrûnî tên kirin.
Êrişeke din a bi dronên bombebarkirî li ser bîrên petrolê yên Tawkê ya li Zaxo hat kirin. Di heman demê de dronek bombebarkirî li nêzî Hewlêrê ket xwarê.
Piştî hevdîtina Şandeya Îmraliyê û Ozgur Ozel, daxuyaniyeke hevpar hat dayîn. Di daxuyaniyê de bal hate kişandin ku dê temînatên hiqûqî pêvajoyê civakî bike.
Bi munasebeta 39’emîn a damezirandina ÎHD’ê, Şaxa ÎHD’ê ya Îzmîrê daxuyanî da. Di daxuyaniyê de hate destnîşankirin ku ji bo pêvajoyê pêdivî bi amedekirina peymaneke civakî ya nû heye.
Abdullah Ocalan ji bo Konferansa Ronakbirî ya Şengalê peyam şand û wiha got: "Îro roj têkoşîna ku Êzidî dimeşînin, ji bo me hemûyan rê nîşan dide. Dengê wan, dengê kesên azadîxwaz e. Ji ber vê, parastina gele Êzidî li ser esasê parastina cewherî de, xwedîlêderketina wijdana mirovahiyê ye."