Fatma Ablay a TJA’yî ji bo meşa ku dê bi dirûşma “Jin ji bo aştiya civakî û çareseriya demokratîk dimeşin” bê lidarxistin got: “Em bang li hemû jinan dikin ku bibin pêşengên civaka demokratîk û aştiyê.”
Dadgeha Îdareyê ya Herêmê ya Erziromê di dema çalakiyên şermezarkirina tayînkirina qayûm de biryara walîtiyê ya 'qedexeya xwepêşandan û bernameyan' bêhiqûqî dît.
Rêveberiya Xweseriya Demokratîk a Bakur û Rojhilatê Sûriyeyê ji bo tehliyekirina malbatên li Kampa Holê dimînin, bi îktîdara Şamê re li ser mekanîzmayeke hevpar li hev kir.
1’emîn Daîreya Cezayan a Dadgeha Edliyeyê ya Herêma Amedê cezayên di doza qetilkirina Narîn Guranê hatine dayin, erê kir.
Li diî avahiya Rêxistina DEM Partiyê ya Çanakkaleyê bi keviran êriş hate kirin.
Serbestberdana girtiyê bi navê Hasan Yakût ê li Girtîgeha Bi Ewlekariya Bilind a Tîpa S a Antalyayê tê ragirtin, bi hinceta 'poşman nîne' 6 mehan hat taloqkirin.
Serokê Şaxa ÎHD’a Amedê Ercan Yilmaz, diyar kir ku pêvajoya piştî banga Abdullah Ocalan dest pê kirî hêvî daye civakê û got: “Divê ev geşedanên girîng bi quretiya dewletê neyên pûçkirin.”
Parêzer Ramazan Demîr têkildarî daxwaza parastinê ya Dadgeha Mafên Mirovan a Ewropayê ji Tirkiyeyê axivî û der barê binpêkirinên di dema qedexeyên Cizîrê de got, "Bendewariya me darizandineke bi lez û adîl e ku sûcên li dijî mirovahiyê tespît dike."
Rojnameya Xwebûne di hejmara xwe ya 284’emîn de bi manşeta “Wayûbiryîya huqûqî” derket.
DMME’yê, li ser serlêdana malbatên xizmên xwe di dema qedexeya derketina derve ya li Cizîrê di jêrzemînan de jiyana xwe ji dest dane, ji Tirkiyeyê parastin xwest.
Tê payin ku 10’emîn Pakêta Darazê vê hefteyê bînin Lijneya Giştî ya Meclisê. Her wiha hevdîtinên DEM Partiyê ku dê bi MHP û AKP’ê re bike jî krîtîk in.
Piştî 'Banga Aştî û Civaka Demokratîk' û biryara PKK'ê çav li parlementoyê ye. Abdullah Ocalan di sala 2013'an de di mijara çareseriyê bal kişandibû ser rola meclîsê gotibû: “Em ê dawî li îsyanê bînin. Bêyî biryara parlamentoyê wê çawa bibe?”
5 kesên di çarçoveya lêpirsîna der heqê Şaredariya Bajarê Mezin a Stenbolê de hatin binçavkirin, sewqî edliyeyê hatin kirin.
Endamê CPT'ê Kameran Osman agahî ragihand ku di roja ku PKK'ê kongreya xwe li dar xistî Tirkiyeyê 61 êriş pêk anîne û got: “Berdewamkirina êrişan aştiyê dereng dixe û pêvajoya aştiyê asteng dike.”