Endamên Şandeya Îmraliyê Pervîn Bûldan, Mîthat Sancar û Faîk Ozgur Erol îro dê gelek hevdîtinan bikin. Şande, dê ewilî hevdîtinê bi Wezareta Dadê û paşê bi Partiya Gelecekê û MHP'ê re bike.
Şaredarê Beylîkduzuyê Mehmet Mûrat Çalik ku di çarçoveya lêpirsîna li hemberî Şaredariya Bajarê Mezin a Stenbolê de hatibû girtin, sewqî Saziya Tiba Edlî hat kirin.
Cîgira Hevserokatiya Giştî ya DBP'ê Narîn Gezgorê diyar kir ku civînên gel nişan dan ku aştiya civakî û avakirin gengaz e û got: "Gelê me niha li benda sererastkirinên berbiçav û qanûnî ye."
Yakûp Aydin, kekê Hakan Aydin ê endamê Koma Aştî û Civaka Demokratîk, got: "Em dixwazin birayên xwe di nav xwe de bibînin. Hêviya me ew e ku gav demildest werin avêtin û her kes tevkariyê pêvajoyê bike."
Endamê Konseya Navendî ya TTB’ê Şerîf Demîr, ragihand ku dê ji bo şopandina “Pêvajoya Aştî û Civaka Demokratîk”, “Koma Şopandina Aştiyê û Xebata Tenduristiyê” ava bikin.
Bi dronên bombebarkirî êrişî bîrên petrole yên li navçeya Zaxo ya Dihokê ya Başûrê Kurdistanê hat kirin.
Di doza Mîraç Mîroglû yê 7 salî de ku wesayîta zirxî pêl wî kir û jiyana xwe ji dest da, biryara beraeta ya der barê polîs de ji aliyê dadgeha îstînafê ve ji ber sedemên prosedurî hat betalkirin. Lêbelê, ji bo doz ji nû ve bê lidarxistin, bi mehan e "destûra lêpirsînê" ya Wezareta Karên Navxweyî nayê dayîn.
Dayika Aştiyê Turkan Dûrçê ku beşdarî merasîma dîrokî ya çekşewitandinê ya Koma Aştî û Civaka Demokratîk bû, got: "Em hem xemgîn bûn û hem jî kêfxweş bûn. Divê kurd ne bi dewletê, baweriya xwe bi xwe bînin, bi Ocalan bawer bin."
Yekitiya Bijîşkên Tirk (TTB), destnîşan kir ku di “Pêvajoya Aştî û Civaka Demokratîk” de berpirsiyariyeke mezin dikeve para desthilatê û gavên lezgîn ên ku divê bên avêtin rêz kir.
Îsraîl, daxuyand ku li dijî herêma Bekaa ya Lubnanê 16 êrişên hewaî pêk aniye.
Welatiyên ku di di hevdîtina gel a li Zozanên Keprê de axivîn û bal kişandin ser azadiya Abdullah Ocalan. Welatiyê ku axivî got: “Êdî bila zozan, çiya û deştên me neyên qedexekirin.”
Parlamaneterê DEM Partiyê yê Stenbolê Cengîz Çiçek, têkildarî êrişa li ser malbata ku muzîka kurdî guhdar kir, xwest Lêkolîna Meclisê bê vekirin.
Rêberê rûhanî yê Civata Durzan Şêx Hîkmet El Hicrî, di daxuyaniya xwe ya bidîmen de ragihand ku belavoka hatiye belav kirin ku destûrê didin hêzên hikumeta demkî ya li Şamê derbasî nava Suwêdayê bibin, di bin mercên tund de hatiye amadekirin û îradeya wan temsil nake.
Li Pîranê zarokek, ji ber tundiya birayê xwe jiyana xwe ji dest da.