Berdevkê YPG'ê Siyamend Elî diyar kir ku yekane hêza ku ji aliyê gel vehatiye avakirin ew in û got: "Yekane hêza ku ji sala 2011'an û vir ve ji aliyê gel hatiye avakirin em in. Lewma daxwaza tesfiyekirina YPG'ê tê wateya daxwaza tesfiyekirina gel. Divê gelê me hişyar be."
Parêzer Azad Akbûlût da xuyakirin ku Tirkiye biryara DMME'yê ya der barê binpêkirina mafê hêviyê ya li ser Rêberê PKK'ê Abdullah Ocalan de nas nake û got ku ev binpêkirina rêgeza qedexeya îşkence û muameleya xerab û wekheviyê ye.
Dewleta tirk û koma wê ya paramîlîter SMO’yê bi topan êrişî derdora Pira Qereqozaqê ya li başûrê Kobanê kirin.
Li Cizîrê ji 7 kesên ku hatine binçavkirn 2 kes hatin girtin.
HSD’ê bi daxuyaniyekê ragihand ku dewleta tirk û komên wê yên paramîlîter agirbesta di navbera wan de binpê kiriye û ji duh ve êrişî Bendava Tişrînê û Pira Qereqozaqê dikin.
Berdevka Meclisa Jinan a DEM Partiyê Halîde Turkoglû bal kişand ser êrişên koma paramîlîter SMO’yê ku girêdayî dewleta tirk e û wiha got: “Bi destê çeteyên SMO’yê sûcên li dijî mirovahiyê tên kirin.”
Parlamenterê DEM Partiyê Kamûran Tanhan di çalakiya nobetê ya li dijî êrişên ser Bakur û Rojhilatê Sûriyeyê hatiye destpêkirin de axivî û wiha got: “Heke hûn bixwazin pirsgirêkê çareser bikin, wê demê deriyên Îmraliyê vekin.”
32 rêxistinên civaka sivîl, komele û platformên ji Spanya û herêmên xweser têkildarî êrişên ser Bakur û Rojhilatê Sûriyeyê banga lezgîn kirin û gotin: “Xetere li ser hemû cîhanê ye.”
Artêşa tirk û komên wê yên paramîlîter ên SMO’yê bi çekên giran êrişî Tişrînê dikin.
Êrişên dewleta tirk û koma paramîlîter a SMO’yê yên li ser Bakur û Rojhilatê Sûriyeyê li Silopiyayê hatin protestokirin. Di çalakiyê de ev peyam hate dayin: “Ha Qamişlo ha Nisêbîn, ji bo me ferq nake û em ê têbikoşin.”
Di doza polîs Sirri Erdogan de ku bi wesayîtê li parêzer Serkan Karakaş xistibû û bi giranî birîndar kiribû, dadgehê nehişt parêzerên Karakaş parastina xwe bikin û bi darê zorê ji eywanê derxist.
Bernameya bîranîna kesên di komkujiya li Parîsê de hatin qetilkirin, diyar bû.
Meşvanên “Meşa Çareseriya Demokratîk û Azadiyê” ku li Amedê bi rê ketin, gihiştin Dîlokê. Parlamentera DEM Partiyê Ayten Kordu, got: “Şertê ewil ê çareseriya demokratîk a pirsgirêka Kurd, azadiya fîzîkî ya birêz Ocalan e.”
Wezîrê Dadê Yilmaz Tunç têkildarî serlêdana DEM Partiyê ya 23 roj berê ji bo hevdîtina bi Abdullah Ocalan re kiribû, wiha got: “- Em ê dema guncav diyar bikin.”