Ji ber kuştina mamoste Ozgur Ekîncî derheqê du kurên Halît Agaçhanli yê AKP’î de biryara girtinê hate dayin lê ev 13 roj in hêj nehatine girtin. Malbata Ekîncî got ku her du bira tên parastin.
Bi boneya salvegera 9’emîn a Komkujiya Garê ya Enqereyê dê di navbera 1-20’ê cotmehê de bername û çalakiyên cuda bên lidarxistin.
Meclisa Parêzerên Ciwan a Baroya Şirnexê xizmeta CMK’ê û tarîfeya heqdestê şermezar kir.
Şerîf Mesûtgolû yê ji doza kuştina qeymeqam Fatîh Safiturk girtî ye û serlêdana wî ya darizandina ji nû ve hatibû redkirin, dest bi greva birçîbûnê kir.
Li navçeya Hîzanê cerdevanan bi çekan êrişî gundiyan kirin, 4 jê giran 11 kes birîndar bûn. Gundiyên ku êriş li wan hate kirin wiha gotin: “Ev ne meseleyeke dijminatiyê ye. Cerdevan bi çeka dewletê zordariyê li me dikin.”
Girtî Necdet Ozturk ê li Girtîgeha bi Ewlekariya Bilind a Kirşehîrê tê ragirtin, li dijî binpêkirinan dest bi çalakiyê kiriye. Ozturk, xwest ku malbat têkildarî rewşa girtiyan her tim li girtîgehê bigerin.
Zaroka bi navê Heval Aytan Oztemel a li navçeya Xana Axpar winda bûbû hate dîtin.
Girtiyê bi navê Îsmaîl Hakki Tursun ku 32 sal in di girtîgehê de ye û yek ji girtiyên nexweş e, cara 4’emîn hate taloqkirin.
Li gundê Cifanê keseke ku nêçira kewan dikir hat cezakirin. 17 hezar û 782 lîre cezayê pere lê hat birîn.
Xebatên lêgerînê yên ji bo dîtina zaroka bi navê Heval Aytan Oztemel ku li navçeya Xana Axpar winda bûye hatine destpêkirin didomin.
Serokê Giştî yê Partiya Sosyal Demokrat a Alman Lars Klingbeil ê serdana DEM Partiyê kir, wiha got: “Em tayînkirina qeyûman û bêfonksiyonkirina meclisên şaredariyan qet rast nabînin.”
Parêzerên Buroya Hiqûqê ya Sedsalê ji bo hevdîtina bi muwekîlê xwe Rêberê PKK’ê Abdullah Ocalan re ku 43 meh in tu agahî jê nayên girtin, serî li Serdozgeriya Bûrsayê û Midûriyeta Girtîgeha Îmraliyê dan.
Serokwekîla Koma DEM Partiyê Gulistan Kiliç Koçyîgît got: “Divê Meclis bibe meclisa çareserkirina pirsgirêka kurd. Me amadekariyek taybet û berfireh li ser budçeyê kiriye. Em ê mafê budçeyê yê gel biparêzin.”
Li gorî rapora ÎHD’ê ya têkildarî girtîgehên herêma Serhedê, tecrîda li ser girtiyan her ku diçe girantir dibe. Hat diyarkirin ku tedawiya girtiyan nayên kirin û di mijara av û xwarina bi hîjyen de pirsgirêk hene.
Kurd û dostên wan 26 sal in li dijî komploya navneteweyî ya li dijî Abdullah Ocalan li ber xwe didin. Pêvajoya berxwedanê ya ku bi çalakiya "Hûn Nikarin Roja Me Tarî Bikin" dest pê kir, îro jî bi kampanyaya "azadî"yê dewam dike.