Parêzerên Buroya Hiqûqê ya Sedsalê ji bo hevdîtina bi muwekîlê xwe Rêberê PKK’ê Abdullah Ocalan re ku 42 meh in tu agahî jê nayên girtin, serî li Serdozgeriya Bûrsayê û Midûriyeta Girtîgeha Îmraliyê dan.
Têkildarî kuştina karsazê Dihokî Hekîm Luqman 7 kes hatin binçavkirin.
Li navçeya Sêweregê Selma Gozcu Ayebe ji bo endamtiya DEM Partiyê serlêdan kir, hîn bû ku ew kirine endamê AKP’ê.
Welatiyê bi navê Savaş Çelîk dema hewl dida derbasî Ewropayê bibe, li Lubnanê hate binçavkirin û anîn Tirkiyeyê. 6 zarokên Çelîk ên li Herêma Kurdistanê ya Federe diman û 4 roj in li Deriyê Sînor ê Xabûrê dihatin sekinandin li wargehê hatin bicihkirin.
Serlêdanên ji bo 31’emîn Xelatên Rojnamegeriyê yên Mûsa Anter û Şehîdên Çapemeniya Azad ku ji hêla rojnameya Yenî Yaşamê ve tê lidarxistin, dê heta 10’ê îlonê bidomin.
Şaredariya Şirnexê heqê rêyê yê nava bajar ji 12 lîreyan derxist 15 TL’an.
Girtî Tuba Sert diyar kir ku li Girtîgeha Tîpa S a Manavgatê îşkenceya derûnî li girtî Zîlan Demîr hatiye kirin û gef lê hatine xwarin û got ku ew ê serî li ber îşkenceyê netewînin.
Hate diyarkirin ku av nedane girtiyê nexweşê giran Abdûlkadîr Kûday ê rakirin nexweşxaneyê û xwarin avêtine ber wî. Parêzera wî jî ji ber berdana wî dê serî li AYM’ê bide.
Balafirên şer ên dewleta tirk navçeya Çomanê ya Hewlêrê û Mawet a Silêmaniyeyê bombebaran kir.
Rojnamevanê girtî Celalettîn Yalçin anî ziman ku heya tecrîda li ser Rêberê PKK'ê Abdullah Ocalan hebe wê çalakiyên li girtîgehan bidomin û got: "Ji ber vê yekê divê em bi rê û rêbazên cuda çalakiyên xwe yên demokratîk bênavber bidomînin."
Di ser qedexeya derketina derve ya li Cizîrê de ku di 4'ê Îlona 2015'an hatibû ragihandin û 9 rojan dewam kiribû re 9 sal derbas bûn. Heya niha yek kesek jî nehatiye darizandin.
12 kesên ku di mitînga 1’ê Îlonê ya Stenbolê de hatibûn binçavkirin, hatin girtin.
Apê Narîn Guran a ji 21'ê Tebaxê ve winda ye Salîê Guran hat girtin.
Xizmên girtiyan çalakiya “Deng bide azadiyê” ku bi daxwaza azadiya fîzîkî ya Rêberê PKK’ê Abdullah Ocalan û çareserkirina pirsgirêka kurd dane destpêkirin, li Mêrsîn û Îzmîrê domandin.