Nivîskarê rojnameya Xwebûnê Cîger Efrînî di nivîsa xwe de bal kişand ser tecrîda girankirî ya li ser Rêberê PKK’ê Abdullah Ocalan û got: “Îro em çiqas li dijî tecrîdê derkevin, em ê bikaribin bêjin ku me gotina Şêx Seîd û hemû şehîdên Kurdistanê bi cih anî ye. Şêx Seîd gotibû, ‘Wê neviyên me tola me rakin.’ Tol rakirina Şêx Seîd bi pêkanîna azadiya Rêber Apo gengaz û watedar dibe.”
Hevseroka Şaredariya Wanê û hevserokên şaredariyên navçeyan civîna meclisê ya heftane li navçeya Şaxê li dar xistin.
Malbata Rêberê PKK’ê Abdullah Ocalan û girtiyên din Omer Hayrî Konar, Hamîlî Yildirim û Veysî Aktaş ji bo hevdîtinê serî li Serdozgeriya Komarê ya Bursayê û Midûriyeta Girtîgeha Îmraliyê dan.
Seroka Komîteya Amadekar Saadet Firat diyar kir ku amadekariyên mitînga ku dê li dijî xespa vînê li dar bixin temam bûne û ev bang kir: “Ji bo em li dijî pêkanînên antîdemokratîk deng derxînin werin em bi herikin Qada Kartalê.”
Tevî serlêdanên li DEDAŞ’ê hatine kirin jî xetên ceyranê nakişînin mezraya Kotî ya Licê. Keyayê gund Veysî Alpaslan ê ku encamê ji serlêdanan negirt vê carê serî li ÎHD’ê da.
Walîtiya Dêrsimê di çarçoveya MOTOFEST’ê de rêya Dêrsim-Pulurê girt. Rêxistina EMEP’ê ya Dêrsimê jî bertek nîşan da.
Xelkê Îranê ji bo hilbijartina serokkomarê nû çû ser sindoqan.
Zaroka 11 salî Esra Yucel li navçeya Şemzînanê rastî destdirêjiyê hatibû û Yucel navê faîlan dabû. Tevî vê jî di civîna li gund hatibû lidarxistin de zarok Yucel “sûcdar” hatibû dîtin. Di doza mirina Esra Yucel de 7 meh berê biryar hate dayîn lê hêj jî hinceta biryarê nehatiye eşkerekirin.
Beşeke mezin a şîrketên belavkirina ceyranê ku piştî şewata li Amed û Mêrdînê derket dîsa bûn rojev, piştî arizîkirinê ketin bin kontrola karsazên ku bi nêzîkatiya xwe ya AKP’ê ve tên nasîn.
Girtiyên siyasî bi daxwaza azadiya fîzîkî ya Rêberê PKK’ê Abdullah Ocalan û çareserkirina pirsgirêka kurd a bi rêyên demokratîk, dernakevin hevdîtin û telefonên malbatê û dadgehan boykot dikin. Çalakiya girtiyan di roja 215’emîn de didome.
TUGVA ya ku Bîlal Erdogan di rêveberiya wê de ye, bi erêkirina Wezareta Perwerdehiyê li avahiyên ku qeymeqamtî, walîtî û şaredariyên AKP'î tehsîsê wê kirine "Dibistana Havînê" vedike. Egîtîm Senê destnîşan kir ku mijarên dersan dewama bîrdoziya AKP'ê ne û got ku bi vê re zarokên xizanan hedef tên girtin.
Rojnameger Baran Germiyanî bi bîr xist ku Tirkiyeyê îsal li dijî herêmên başûrê Kurdistanê 833 êrişên hewayî pêk anîn û got: “600 gundên herêmê bi metirsiya valakirinê rû bi rû ne. Tirkiyeyê li başûrê Kurdistanê bi kûrahiya 40 kîlometreyan dagir kiriye. Tenê îsal di van êrişan de 10 sivîl hatin qetilkirin.”
Cenazeyê girtiyê nexweş Şefîk Esen ê jiyana xwe ji dest da, li gundê Beşpinar ê navçeya Çinarê hate veşartin.
Parlamentera DEM Partiyê Meral Daniş Beştaş diyar kir ku sûcdarên esasî ew ê ku vîna gel desteser kirine û destnîşan kir ku ji bilî berxwedana li dijî qeyûm wekî din tu rê tune ye.