CPT’yê ragihand ku di nava 10 rojên borî de dewleta tirk bi sedan tank û hezaran leşkerên xwe derbasî nava axa Herêma Kurdistanê kiriye û got: “Armanca dewleta tirk gihiştina Çiyayê Heft Tebeq yê li Şêladizê û dagirkirina rêze çiyayê Garê ye. Ev jî tê wateya Herêma Kurdistanê ji sedî 70- 75 sinorê desthilata xwe li Dihokê ji dest bide.”
Şewata daristanê ya duh bi şev li navçeya Aldûşê dest pê kir, bi bandora bayê belavî qadeke berfireh bû.
Girtî Şefîk Esen, li nexweşxaneya lê dihat tedawîkirin jiyana xwe ji dest da.
Bariş Kiliç ê 30 sal in girtîbû, ji girtîgehê hat berdan.
Li Mêrdînê li gelek noqteyan şewat dest pê kirin û ber bi gundan ve pêş dikeve. Şêniyên gundê Rewşadê ji ber şewatê malên xwe diterikînin.
Tevî ku girtî Adem Er cezayê xwe qedand jî bi hinceta ku nabêje “ez nepoşman im” nayê berdan û cara sêyemîn berdana wî hat taloqkirin.
Dadgehê sedemên tevlinebûna danişînê yên kesên ji doza Kovara Modernîteya Demokratîk tên darizandin qebûl kir û danişînê taloq kir.
Duyemîn danişîna doza nûçegihana MA’yê Zeynep Durgut û 17 jinan hat lidarxistin. Ji bo her 18 jinan biryara beraetê hate dayîn.
Hate zanîn ku di serdema qeyûman de herî kêm 86 mirovên Galîp Ensarîoglû yê AKP’î di şaredariyên Rezan û Peyasê de girtine kar.
Endamê Meclisa Ciwanan a DEM Partiyê Birîndar Gezîcî li Bazîdê dema li qereqolê binçavkirî, bi pensê hatibû îşkencekirin û piştre hatibû girtin. Bi hinceta îfadeyên şahidê nû li dosyayê hatine zêdekirin, danişîna doza Gezîcî hate taloqkirin.
Rojnameger Elîf Akgul a ji ber parvekirinên xwe yên ser hesaba xwe ya medya dîjîtal bi îdiaya “propagandaya rêxistinê” dihat darizandin, beraet kir.
Di danişîna doza rojnameya Ozgur Gundemê de biryar hat dayîn ku fermana girtina siyasetmedarê kurd Hatîp Dîcle berdewam bike. Danişîn hat taloqkirin.
Parêzerên Buroya Hiqûqê ya Sedsalê ji bo hevdîtina bi miwekîlê xwe Rêberê PKK’ê Abdullah Ocalan re ku 40 meh in tu agahî jê nayên girtin, serî li Serdozgeriya Komarê ya Bursayê û Midûriyeta Girtîgeha Îmraliyê dan.
Danişîna doza DÎAYDER’ê ku 23 endamên komeleyê tên darizandin, ji ber lêpirsîna nû ya derheqê 4 kesan de hatiye vekirin, hat taloqkirin.
Endamê OHD'ê Baran Çelîk ku tayinkirina qeyûm wekî "xespkirinê" nirxand got: "Qet ne tiştekî hiqûqî ye ku waliyekî tu eleqeya wî bi şaredariyê re tune ye wekî qeyûm bê tayinkirin."