Jinên Mahabadî deriyê tirsê şikandine

img
NAVENDA NÛÇEYAN - Li Mahabadê bi jineke ku cara yekemîn e tevlî çalakiyan bûye û dirûşma "Jin Jiyan Azadî" berz kiriye re hevdîtin dikim. Jina ku dibêje "min bi wê dirûşmê tirs danî aliyekî" behsa roja kuştina Kubra Şêxa Seqa dike û dibêje, "ew jineke şoreşger bû."
 
Li Mahabadê di rojeva herkesî de daxwaz û çalakiyên ku du meh li pey xwe hiştin hene. Piştî bi xwendekarên zanîngehan, ciwan û esnafan re hevdîtinan dikim, dixwazim li çend jinên ji destpêkê ve di nava van çalakiyan de ne û jinên xwendekarên lîseyê jî guhdar bikim. Dixwazim şîroveyên derbarê çalakiyên bi kuştina jina kurd Jîna Emînî dest pê kirin û bi dirûşma "Jin Jiyan Azadî" berbelav bûn ji wan bibîhizim û guh bidime îtiraz û daxwazên wan. 
 
'EZ DIRÛŞMA KU JI KEÇA XWE HÎN BÛM BÊ TIRS BERZ DIKIM'
 
Li Mahabadê bi du jinên ku di çalakiyên destpêkê de dirûşmeya "Jin Jiyan Azadî" berz kirine re diaxifim. Jina bi navê F. destnîşan dike ku ew cara yekemîn e tevlî çalakiyekê bûye û wiha behsa wê rojê dike: "Li Mahabadê Çarrêya Azadî cihekî herî qerebalix e. Min dît li wir çend xort kom bûne û dirûşma 'Kurd û Kurdistan Goristana Faşîstan' berz dikin. Ez û keça xwe bi hev re bûn û bi hêdîka ez nêzî wan xortan bûm. Min li derdora xwe nihêrt û bi dengekî nizm dirûşma 'Jin Jiyan Azadî' berz kir. Min dema dubare kir sê mirovên li derdorê xwepêşandan temaşe dikirin bi min keniyan. Ev car min dengê xwe hinek din bilind kir. Bi her dubare û sêbarekirina dirûşmê re wêrekiya min zêdetir bû û êdî ez diqîriyam. Min carekê nihêrt hem hejmara xortan hem jî hejmara jinan pê re pêre zêde dibe. Ew tirsa ku destpêkê min êsîr girtibû çû, wêrekiyek hat xwe li ser min danî. Ciwanan bê navber digotin 'Kurd û Kurdistan Goristana Faşîstan' me jinan jî kefiyên serê xwe dadixist û digot 'Jin Jiyan Azadî'."
 
'MIN XWEST LI ŞÎARA KEÇA MIN LI PEY ÇÛYE XWEDÎ DERBIKEVIM' 
 
Pirsa "cara yekemîn ew dirûşm ji kuderê bihîstiye" jê dikim û F. behsa nameyeke keça xwe ku hema hema di temenê Jîna Emînî de bû ye dike û wiha dibêje: "Keça min li Tehranê li Zanîngeha El Zehra li Fakulteya Hunerê xwendekar bû. 3 sal berê li pey xwe nameyek hişt û tevlî gerîla bû. Di dawiya wê nameya ji min re hiştibû de dirûşma 'Jin Jiyan Azadî' nivîsi bû. Di nava vî 3 salî de ew dirûşm ji bo min tu maneyek îfade nedikir. Lê dema li ser gora Jîna Emînî min bihîst dirûşmeya 'Jin Jiyan Azadî' bilind bû û li her cihî belav bû, nameya keça min hate bîra min. Min ew roj baş fêm kir bê armanca keça min çi bû ye û çima tevlî gerîla bûye. Dema ku min li Mahabadê ew çalakî dît jî, fersendek ketibû destê min û min xwest bi wê fersendê li keça xwe û ew şîara keça min li pey çûye xwedî derbikevim. Bi wan hestan min ew dirûşm berz kir."
 
NIHA LI PEY ŞOPA KEÇA XWE YE
 
 
F. dibêje ku ew ê keça xwe weke miroveke azad mezin kiriye û heya çûye zanîngehê jî kêmaniyeke wê tune bûye û wiha axaftina xwe didomîne: "Keça min keseke azad bû. Tu kêmasiyên wê tune bûn. Li zanîngeheke baş beşeke li gorî dilê xwe dixwend. Lê dema didît li derdora wê jin di bin pêkûtiyan de ne aciz dibû, diêşiya. Ji xwe tişta kir ku têkoşîna xwe bi rengekî din bimeşîne jî ev lêgerîna wê bû. Lewre carinan dema em diaxifîn digot, 'dayê ger li derdora me jineke bi tenê jî ne azad hebe, azadiya me bi kêrî tiştekî nayê.' Keça min jineke hesas bû. Dema DAIŞ êrîş bire ser Kobanê, li Tehranê bû û rojekê telefon bo min vekir got, 'dayê sibehê li Mahabadê ji bo Kobanê meş tê lidarxistin. Hûn jî biçin tev li bibin.' Lê ew roj ez tirsiyam û em tev li nebûn. Pişt re min dîmenekî meşê li ser înternetê dît, min rabû ew ji keça xwe re şand. Wê jî got 'min ew dîmen dîtiye, min dixwest dîmenekî hûn jî di nav de bişînin.' Ew roj ez pir li ber xwe ketim. Li hemberî keça xwe ez mehcûb bûm. Lê ev car dema min dît ciwan ji bo Jînayê li Mahabadê çalakî dikin min xwe negirt û ez jî tevlî bûm."
 
'GEL KUBRA ŞÊXA SEQA 7 KÎLOMETREYAN LI SER MILAN HILGIRT'
 
Di 27ê Cotmehê de yek ji welatiyên hate kuştin jî Kubra Şêxa Seqa bû. F. şahidiya xwe ya vê rojê jî bi van gotinan tîne ziman: "Kubra jineke şoreşger bû. Ligel kurê xwe ji bo Simko Mewlûdî derketibûne kolanê û di nava çalakiyê de bûn. Li Meydana Molla Camî, polîsan rasterast ji bo kuştinê ew hedef girtin û gule berdanê. Kubra ji kurê xwe re kevir dida hev. Piştre cenazeyê wê rakirin Mizgefta Saedî. Ciwanekî li vir Sirûda Şoreşgerî danî ser hoparlorê mizgeftê. Meleyê mizgeftê destpêkê xwest vî ciwanî asteng bike lê wî got, 'min bi çavê xwe dît bê Kubra çawa hate kuştin. Welahî ew şehîd e.' Ji hoparlorê camiyê dengê Sirûda Şoreşgerî bi ser Mahabadê ket. Li ser vê yekê her çû hejmara kesên li derdora mizgeftê zêde bû. Ji wê mizgeftê heya ser goristanê gel bi qenderê 7 kîlometreyan darbesta Kubrayê li ser mila hilgirt û bi dirûşman ew sipartin axê. Ew jina ku tune dihate hesibandin, di bin lingan de tim dieciqandin li ser milê dehezaran weke şoreşgereke pêşeng ber bi ebediyetê ve hate oxirkirin." 
 
Xwendekara lîseyê keça 17 salî ya bi navê D. ku heya wê kêliyê li me guhdar dikir, dikene û dibêje, "Ya ku di çalakiyan de serê wê şikiyaye, xwîn rijandiye ez im û hûn tu pirsê ji min nakin." Bi van gotinan kesên li salonê rûniştîne tev dikenin. Pirseke dawî dixwazim ji F.'yê bikim û dibêjimê tişta di çalakiyan de wê û vê keça 17 salî tîne cem hev çiye. Ew jî dibişire û dibêje "ew keça min e."
 
KEÇA 17 SALÎ BI KELECAN DIAXIFE
 
D. 17 salî ye û xwendekara lîseyê ye. Bêyî ku ez pirsekê bikim bi kelecan behsa çalakiyan dike û dibêje: "Gel pir bi kelecan e. Ligel ku hêzên rejimê rasterast guleyan bi ser me de direşînin jî kes bi paşve gav navêje. Di çalakiyên Mahabadê de gelek kes hatin girtin. Yek ji wan jineke bi navê Kubra bû. Pêşengek bû di çalakiyan de. Berxwedêr bû. Çend roj berê jineke pê re hatibû girtin serbest berdan. Ew ê digot Kubra di binçavan de jî li ber xwe dida û serî neditewand. Ji bo yên din jê cesaret negirin ew birine cihekî din. Lê bila zanibin ew çi dikin bila bikin jin serî natewînin. Em ê azadiya xwe bi dest bixin." 
 
'DUMANA CIXARA PIFÎ ÇAVÊ CIWANAN DIKIM'
 
Ş. jî jineke çalakger e û ji tu çalakiyan namîne. Hevjînê wê 9 salan pêşmergetî kiriye. Du keçên wê zewicîne û kurekî wê jî 28 salî ye. Ş. bi ken dest bi axaftina xwe dike û dibêje, "Ez ji tu çalakiyan namînim. Hevjînê min tev li çalakiyan nabe. Ji ber wî 9 salan pêşmergetî kiriye jêtirê wezîfeya xwe bi cih aniye. Lê ez tev li hemû çalakiyan dibim" û dikene. Ş. dibêje ku polîs êdî wê nas dikim û wiha axaftina xwe didomîne: "Carinan dema diçime cihê çalakiyê, polîs ji min re dibêjin 'çi karê te li vir heye.' Ez jî ji wan re dibêjim 'hûn ji bo çi hatibine vir ez jî ji bo wî tiştî hatime.' Beriya çalakiyan hevalên min agahî didine min. Di destê min de wê kêliyê çi kar hebe bila hebe, datînim aliyekî û diçim. Gelek caran berî çalakî dest pê bikin diçim û li derdorê dinihêrim bê Besîc, cehş û pasdar li kuderê bi cih bûne. Bi cilên sivîl in û mirov zû bi zû wan ferq nakin. Di çalakiyekê de ciwanan kevir avêtin polîsan polîs jî bombeyên gazê avêtin. Çavê ciwanan ji gazê dişewitî û nikaribûn çavên xwe vekin. Min jî ji malên derdorê cixare dane hev û ew vêxistin. Dûmana wê min dikişande devê xwe û piştre min pif dikire çavên wan. Bi vî awayî dikaribûn êdî çavên xwe vekin."
 
'DEMA MIN DÎT BÊ ÇAWA LI ZAROKEKÎ DIXIN TIRSA MIN ŞIKIYA'
 
 
Ş. pirsa min a "tu ji girtin, birîndar bûn û kuştinê natirsî" bi van gotinan  dibersivîne: "Li Mahabadê cihek heye bi navê Memba. Ji bo çalakiyê em li wir kombûbûn. Hêj zû bû û ez û çar xortan li wir bûn. Polîsan bi çifteya pompe gule berdan û ciwanek bi berikên fîşekê birîndar bû. Du ciwanan bi çeplên wî girtin ew birin û ciwanek jî kete destên polîs û pasdaran. Wisa copan lê didan ku nayê gotin. Min hew xwe girt û min xwe avête ser wî zarokî, min go kurê min e dest jê berdin. Bi çepilên min girtin û li min jî dan. Di wê kêliyê de êdî tirsa min şikiya. Êdî ne ji girtinê, ne ji birîndarbûnê, ne jî ji mirinê ditirsim. Li vir di hin sûcan de dema yek tê girtin ger hûn 100 milyon tumen bidin bi kefalet serbest têne berdan. Min li hevjîn û zarokê xwe wesiyet kiriye eger ez bême girtin an tiştek were serê min, divê yek qirûş jî nedin vê dewleta kujer." 
 
 
Ş. di dawiya axaftina xwe de dibêje ku daxwaziya wan ne tenê rakirina sergirtina bi zorê ye û ew azadiyeke kamil û fikrî dixwazin. Heya bigihîjine armanca xwe jî wê kolanan neterikînin. 
 
XWENDEKARA LÎSEYÊ: MERG BER SÎTEMGER ÇI ŞAH BAŞ E ÇI REHBER
 
Li Mahabadê ji ber zanîngeh girtîne xwendekarên zanîngehan li kolanan pêşengiya çalakiyan dikin. Lê li dibistanên keç û xortan jî çalakî têne li darxistin. Ez bi xwendekara pola 12'emîn V. re hevdîtin dikim. V., li Lîseya Keçan a Fatima dixwîne. Ev lîse li Mahabadê lîseya keçan a herî mezin e. Derdora 400 xwendekarên wê hene. V. dibêje ku piştî çalakiyên ji bo Jîna Emînî, ewan dirûşmeya "Jin Jiyan Azadî" bihîstiye û bi hevalên xwe re dest bi nîqaşa vê dirûşmê kirine. Piştre di navbera dersan de, dîsa di wextên belavbûnê de me bi komî ev dirûşm berz kir. Ligel vê dirûşimeyeke me ya din jî heye. Gaşt e Îrşad, ji bo kesên servekirî dibêje 'hêz' (bêxlaq) û 'herzê' (bênamûs). Me jî li hemberî vê nêrînê dirûşma 'Hêz tu yî her zê tu yî jînê azad min im' berz kir. Demekê hin derdorên ku ji xwe re dibêjin muxalif xwestin dirûşma 'mêrên welatperwer' bi dirûşma 'Jin Jiyan Azadî' ve bizeliqînin û digotin 'Jin Jiyan Azadî, Merd Mîhenî Abadî'. Alîgirên saltanatxwaz ku dixwazin careke din Şah vegere jî ji vê dirûşmê hez dikirin. Lê em ciwan, xwendekar û gelên li kolanan tiştekî wisa naxwazin. Li hemberî vê jî dirûşmeke me heye û em dibêjin 'Merg ber sîtemger çi Şah baş e çi Rehber'. Ango em dibêjin 'Bimre dagirkerî çi Şah dibe çi Rehber'."
 
'DEMA ÊRÎŞ GUR DIBIN EM DIBISTANÊ BOYKOT DIKIN' 
 
Di berbarê pirsa min a "helwesta mamoste û midûrê dibistanê li hemberî we çawa ye" de jî V. dibêje ku dem dem wan bi hêzên îstixbarat û polîsan tehdîd dikin. V. axaftina xwe wiha didomîne: "Ji roja ku çalakiyên me li dibistanê destpêkirine û heya niha, bi taybetî di dema belavbûnê de polîs li ber deriyê dibistanê disekinin. Lê xwendekar dîsa jî dirûşman berz dikin. Carinan jî dema polîs bi şid êrîşî çalakgeran dikin, em weke xwendekar dersan boykot dikin û naçine dibistanê. Ev hefteyeke ez jî naçim."
 
V. dibêje ku di çalakiyekê de du hevalên wê hatine girtin û yek ji wan piştre serbest hatiye berdan. Lê hevalê wê yî bi navê Aran, ji 45 rojan zêdetir e li Urmiyeyê di bin çavan de tê girtin. 
 
'HEYA JIN AZAD NEBE CIVAK AZAD NABE'
 
 
Ez pirsa armanca van çalakiyan û daxwazên wan dikim ji V. û ew jî wiha dibêje: "Bi berbelavbûna dirûşmeya 'Jin Jiyan Azadî' em pir kêfxweş bûn. Em azadî dixwazin. Em di wê baweriyê de ne ku heya jin azad nebe civak azad nabe. Lewre di dîrokê de miletê ku yekem hatiye dîlgirtin jin bûye. Heya jin azad nebe tu milet azad nabe." Ez dibêjimê ev fikrên wê ne an hevalên wê yî dibistanê jî weke wê difikirin, V., wiha pirsa min dibersivîne: "Tu hevalên min bi mezhebî, cinsî an neteweyî nêz nabe. Rast e malbatên hinan ji me, li hemberî van nêzîkahiyên me ne û naxwazin em beşdarî van çalakiyan bibin. Lê çi keç çi jî xort tu xwendekar di vê mijarê de guh nade malbatên xwe."
 
Xwendekara lîseyê V., dibêje ku ew xebatên sînemaya Bakûr û Rojava dişopîne û dixwaze beşa sînemayê bixwîne. Her wiha daxwaza wê ew e rojekê Rojava ziyaret bike. 
 
Di dema ez bi V., re hevpeyvîn dikim birayê wê yî diçe pola sisêyan li ser depekî biçûk "Jin Jiyan Azadî" dinivîse û tîne nîşanî min dide. Piştre jî pirtûkên dibistanê dide destê min û rûpelê pêşî vedike. Rûpelê ku wêneyên Xomeînî li ser hene tev qetandine.  
 
Li Mahabadê zanîngehên bi navê Azad, Peyamnûr û Mîad hene û li van zanîngehan tenê xwendekarên ji Mabahadê ne dixwînin. Dema çalakî destpêkirine ev zanîngehên ku weke  taybet têne nasîn hatine girtin. Ji ber wê yekê jî xwendekarên zanîngehan, ne li zanîngehan li kolanan çalakiyan li dar dixin. Lê li bajarê Sine ku navenda eyaleta Kurdistanê ye zanîngeh mezintir in û hê jî vekirîne. Ji ber wê li Sine xwendekar li zanîngehan çalakiyên xwe bênavber didomînin û pêşengiyê dikin.
 
* Li Îranê ji bilî gundan ji dibistana seretayî heya zanîngehê dibistanên keç û xortan cuda ne. Li gundan jî ji ber bêderfetiyê heya polên 9 û 10'an xwendekarên keç û xort di nava hev de perwerdehiyê dibînin. 
 
(Ji ber ewlehiyê nav hatine veşartin)
 
 
Sibê: Malbatên Zekeriya Xeyal û Komar Deruftade ku li Pîranşarê hatin kuştin diaxifin 
 
MA / Abdurrahman Gok

Sernavên din

09:00 ROJEVA 12’YÊ TÎRMEHA 2025’AN
11/07/2025
20:36 Bafil Talebanî: Biryara PKK'ê ya destpêkirina serdemeke nû gavekî dîrokî ye
20:26 Wezîrê Dadê Tunç: Ji niha û pê ve karê me zede ye
20:07 Besê Hozat: Niha dora aliyê din e
20:02 Hevserokên Giştî yên DEM Partiyê: Merasîma PKK'ê vexwandina ji bo jiyana azad e
18:51 Berdana Erdemê 30 sal in girtî ye cara duyan hat taloqkirin
18:45 Davûtoglû: Divê em pêşengiya vê serdemê bikin
18:40 Erdogan: Gava ku hate avêtin bibe wesîleya xêrê
17:05 Midûrê Karên Nivîsan ê Kovara Lemanê hate binçavkirin
17:02 Fîkret Ataş hate tehliyekirin: A girîng azadiya civakî ye
16:59 Ozgur Ozel: Divê pêvajo li Meclisê bi gavên lez û bibiryar bê birêvebirin
16:50 Kurtulmuş: Xebatên me yên têkildarî komîsyonê ber bi dawiyê ve ne
16:34 Li Amedê kelecana merasîma dîrokî: Em ji bo kesên çek danîne temînateke destûra bingehîn dixwazin
16:29 Navên kesên tev li merasîma şewitandina çekan bûn
16:00 Li Deşta Fîsê şahidiya kêliyên dîrokî
15:56 Şîna Harun Karay bi girseyî hate ziyaretkirin
15:55 Dayikên Aştiyê: Êdî tu hincetên dewletê nema, bila gav biavêje
15:41 Rojeva çapemeniya cîhanê merasîma dîrokî bû
15:26 Oral ê 30 salan girtî ma: Divê êdî dewlet gavên şênber biavêje
15:10 Nêçîrvan Barzanî: Ev gav dê pêvajoyê derbasî qonaxeke nû bike
15:05 ÇHD’ê têkildarî komkujiya Elewiyan serlêdana sûc kir
14:28 Merasîma dîrokî li ser ekranan temaşe kirin
14:11 Vaye dîmenên merasîma şewitandina çekan
13:32 Berdevkê AKP’ê Çelîk: Qonaxa krîtîk hate derbaskirin
13:24 Hûrgiliyên merasîma dîrokî: Pêdivî bi sererastkirinên dîrokî heye
13:01 Roja dîrokî: Koma Aştî û Civaka Demokratîk çekên xwe îmha kir
12:56 Bahçelî: Rêberê damezirîner ê PKK’ê soza xwe bicih anî
12:48 Besê Hozat di merasîma dîrokî de ye
12:41 Ji merasîma dîrokî dîmenên ewil
12:25 Şandeya merasîma dîrokî dişopand ji qadê derket
12:05 Koma Aştî û Civaka Demokratîk: Em çekên xwe bi îradeya xwe ya azad îmha dikin
11:16 Cihê merasîma dîrokî diyar bû
11:06 Şandeya DBP, HDK û DEM Partiyê li qada merasîmê ye
10:49 Serşêwirmendê Serokkomar Yîgît Bulut mir
10:42 Gel li benda ‘Koma Aştî û Civaka Demokratîk’ e!
10:34 Welatiyan wesayîtên kana madenê ji bajarokê derxistin
10:06 Hevberdevkê Giştî yê YSP’ê Asena: Pêvajoyeke nû ya têkoşînê dest pê dike
09:52 Delegasyona navneteweyî ber bi qada torenê ve bi rê ket
09:44 Pirtûka parastina doza Kobanê: ‘Jin Jiyan Azadî’ çap bû
09:33 Tunç Soyer: Yên di bin zexta îktîdarê de divê hevkariyê mezin bikin
09:29 'Di sala 10'emîn de li ser şopa Pirsûsê': Ji bo edaletê têkoşîna li ser bingeheke yekgirtî
09:06 Alî Bozan: Dora gavavêtinê a dewletê ye
09:05 Welatiyên beşdarî hevdîtinên gel bûn: Divê dewlet gav bavêje
09:04 30 salên jiyana wî di girtîgehê de derbas bû: Ji bo jidilbûnê divê girtiyên nexweş bên berdan
09:01 3 sal in muayeneya kelemçekirî li girtiya bi nexweşiya tuberkulozê tê ferzkirin
09:00 ROJEVA 11’Ê TÎRMEHA 2025’AN
08:15 Rêwîtiya ber bi kêliya ku dê herka dîrokê biguherîne
07:59 Şandeya ku dê torenê bişopînê ber bi Silêmaniyeyê ve bi rê ket
10/07/2025
17:05 Ceza dan malbata Kocakaya ê bi îşkenceyê hatibû qetilkirin
16:56 Rojnameger Hêvîdar Onver îfade da
16:36 Yunaçti piştî 30 salan hate berdan: Em ê têkoşîna xwe bidomînin
16:05 Rojnamegerên ji bo torena PKK’ê bi rê ketin: Em ê şahidiya kêliyên dîrokî bikin
15:41 Şîna Abdullah Okur bi girseyî hate ziyaretkirin
14:46 Dozgerî ji bo 7 rojnamegeran ceza xwest
14:13 Di kongreya Wan TUHAY-DER’ê de coşa peyama bidîmen
14:03 Kesên di Komkujiya Garê de jiyana xwe ji dest dabûn hatin bibîranîn
13:43 Rûxseta lêgerîna petrolê ya li Amedê ji bo 2 salan hate dirêjkirin
13:31 Li dijî zextên rejîma Îranê bang hate kirin
13:26 Erdogmûş: Hincet neman, divê her kes berpirsiyariyê li xwe bigre
13:25 Şewatên Uşakê hatin kontrolkirin
13:09 Li Mêrdînê jinekê bi awayekî guman jiyana xwe ji dest da
12:26 Serokê Giştî yê OHD’ê: Divê êdî guherînên yasayî bên kirin
12:24 ‘Divê dewlet pêvajoyê dirêj neke’
12:23 Ji bo torena PKK’ê ji Amedê bi rê ketin
11:37 Tahmaz: Banga Ocalan peywirên siyaseta demokratîk destnîşan dike
11:25 Înstagramê hesabê Ajansa Welat girt
11:19 Dayika Alî Îsmaîl Korkmaz: Bêhiqûqîtî me bêhtir xemgîn dike
11:01 Ji bo Hesendînê li ber xwe didin: Em li benda piştevaniyê ne
10:42 Rojnameger Er: Pêşeroja pêvajoyê girêdayî helwesta hikûmetê ye
10:25 Hamasê qebûl kir ku dîlgirtiyên Îsraîlî serbest berde
10:23 9 sal in mexdûrên KHK’ê li benda karê xwe ne
10:00 Hunermend Pinar Aydinlar: Divê aştî û azadî derdê hemû welat be
09:56 Li Girtîgeha Tokatê girtiyên 8 meh in li benda tedawiyê disekinin hene
09:25 Dê navê Dengbêj Şakiro li Agiriyê nemir be
09:24 Xwezaya Şirnexê dê bi 10 projeyên nû yên enerjiyê bê talankirin
09:19 Şaredarê Şîleyê Kabadayi hate binçavkirin
09:07 Dayikên ku zarokên xwe winda kirine: Banga bidîmen hêviya me xurt kir
09:06 Serokê Baroya Mûşê: Pêvajo di asteke girîng de ye, divê her kes xwedî lê derkeve
09:05 Francesco Cerasanî: Ocalan bi banga xwe deriyekî nû li ber demokrasiyê vekir
09:03 Ji Roboskiyê bang li dayikên leşkeran kirin: Ger em mil bidin milê hev dê êşên me kêm bibin
09:01 Di şer de du zarokên xwe winda kir: Bila komîsyon bê avakirin û gav bên avêtin
09:00 ROJEVA 10’Ê TÎRMEHA 2025’AN
08:24 Hasan Aşa ku ji sedî 91 astengdar bû hate berdan
08:09 KCK’ê bersiv da banga Ocalan: Gavên şênber ên tên xwestin em ê biavêjin
09/07/2025
20:12 Balyozê DYA'yê: Dibe ku QSD, entegreyî Sûriyeyê bibe û tevlî artêşê bibe
20:04 Li Girê Spî hêzên paramîlîter bi hev ketin: Kesek mir, 4 kes birîndar bûn
19:57 Hûrguliyên civînên Şamê: Divê Peymana 10'ê Adarê bêkêmasî bê pêkanîn
19:51 Piştî 31 salan serbest hat berdan: Em ê xwedî li mîrateya wan derkevin
19:43 Nesrîn Teke li ser gora xwe hat bibîranîn
16:48 Ji bo girtiyên nexweş ên li Girtîgeha Sîncanê serî li ÎHÎK’ê da
16:43 OHD’ê ji bo girtiyê nexweş Ayik banga tehliyeyê kir
15:53 Akademîsyena Aştiyê Fulya Atacan jiyana xwe ji dest da
15:52 Tayîp Temel: Bingeha hiqûqî şert e
15:39 Bayindir: Nexşerêya Ocalan dê ji bo teşedayîna pêşerojê sûdewer be
14:41 Guleç: Daxuyaniya Ocalan rast û di cih de ye
Canpolat: Banga dîrokî ya Ocalan resmê sedsalê ye
14:05 Ayşegul Dogan: Di 11’ê Tîrmehê de em ê li Silêmaniyeyê bin
14:00 Ji bo Midurê Karên Nivîsan ê Lemanê biryara binçavkirinê hat dayin
13:59 Piştî 26 salan dengê Ocalan bihîstin: Divê bi lezgînî gav bên avêtin
13:27 Hevseroka ESP’ê Hatîce Denîz Aktaş nehate berdan
13:26 Erdogan: Em ê agahiyên erênî bigirin