Namzetê parlamenteriyê yê Partiya Çepên Kesk Mazlum Taş diyar kir ku navnîşana çareseriyê ya ciwanan Partiya Çepên Kesk e û wiha got: “Heta ku ciwan azad nebin, ev welêt xweş nabe. Lewma divê ciwan xwedî gotin bin. Me bi ciwantî dest pê kir û dê bi ciwanî xelas bikin.”
Hevseroka Giştî ya SYKP’ê Canan Yuce bi meha ye li Hatayê xebatan dimeşîne diyar kir ku divê gel dengê xwe bide Partiya Çepên Kesk û wiha got: “Wer in em bibin yek û bi hev re biguherînin.”
Hevseroka Giştî ya HDP'ê Pervîn Bûldan di mîtînga Edeneyê de got: "Ev kar dê di tûra ewil de bi dawî bibe, dê ji tûra duduyan re nemîne. Di tûra ewil de dê Partiya Çepên Kesk bi temsîliyeteke xurt biçe meclisê."
Hevberdevka Partiya Çepên Kesk a Stenbolê Beser Çelîk ku banga tevlibûna mitînga fînalê ya li Yenîkapi ya Stenbolê were lidarxistin li welatiyan kir, wiha got: “Em ê bi rûhê 8’ê Adarê û Newrozê fînala xebatên hatin kirin li Yenî Kapiyê tacîdar bikin.”
Hevberdevkê Koordînasyona Karên Hilbijartinê ya Partiya Çepên Kesk a Manîsayê parêzer Îsmaîl Terût got ku li seranserî bajar hewcehî bi muşahidan heye û bang li gel kir ku bibin muşahid.
Navenda Şopandin û Koordînasyona Hilbijartinê ya HDP û Partiya Çepên Kesk diyar kir ku li dijî hîleyên hilbijartinê hemû cureyên tevdîran girtine û wiha got: “Daxuyaniyên partiya me yên li dijî manîpulasyonan bi baldarî guhdar bikin.”
Di mîtîngên Partiya Çepên Kesk ên Xarpêt û Enqereyê siyasetmedar got: "Em Partiya Çepên Kesk, li Kurdistan û Tirkiyeyê tevî gelan vê desthilatê bişînin û em jiyaneke demokratîk a nû ava bikin. Dîwarên qesrê pûl bi pûl hildiweşin."
Li Mûşê namzetên Partiya Çepên Kesk bi konvoyê li nav bajêr geriyan û hevdîtina gel li dar xistin.
Partiya Çepên Kesk xebatên xwe yên ji bo mitînga fînalê ku dê di 12’ê gulanê de li Îzmîrê li dar bixe, bênavber didomîne.
Namzetê parlamenteriyê yê Partiya Çepên Kesk di civîna bi rojnameger û nivîskaran re de wiha got: “Di 14’ê Gulanê de têkbirina AKP-MHP’ê bi têrî nake. Her wiha divê pergala yekperest a sedsalî jî were tunekirin.”
Namzetê Partiya Çepên Kesk ê Agiriyê Sirri Sakik, diyar kir ku hilbijartinên 14’ê Gulanê roja hesabpirsînê ye û anî ziman ku li dijî hemû zext, astengkirin, provokasyonan dikarin bi têkoşîneke birêxistinkirî desthilata AKP’ê û MHP’ê bişînin.
Li Colemêrgê di mîtînga Partiya Çepên Kesk de hat destnîşankirin ku dê 14'ê Gulanê bi serkeftinê bê tacîdarkirin û îşaret bi tecrîda li Îmraliyê hat kirin û wiha hat gotin: “Em ê tecrîdê bişkînin û roja Kurdn azad bikin.”
Ahmet Turk li Nisêbînê xîtabî bi hezaran kes kir û diyar kir ku ev îktidar ji bo rayekî bistîne heyet şandiye cem Rêberê PKK’ê Abdullah Ocalan ku di bin tecrîda giran de ye. Hevseroka DBP’ê Salîha Aydenîz jî got AKP û tifaqa xwe wê birevin.
Hevserokê Giştî yê HDP’ê Mîthat Sancar di mitînga Cizîrê de bang li hezaran kesan kir û wiha bal kişand ser ewlehiya hilbijartinan: “Hûn tevek jî weke peywirdarên hilbijartinê tevbigerin. Divê em îradeya ji sindoqan derdikeve jî biparêzin. Ciwanno, tûrikên dengan neterikînin.”
Namzetê parlamenteriyê yê Partiya Çepên Kesk Sezaî Temellî yê di civîna gel a li Çewligê de axivî wiha got: “Desthilata li ser serê me ji xizaniyê ji talanê ji her cure qirêjiyê sûdê digire, em vê qebûl nakin. Niha dema guhertina vê desthilatê ye. Em qet tawîz nadin.”