Çalakiya boykotkirina hevdîtinên ser telefonê, yên rû bi rû û derketina dadgehê ya girtiyên siyasî di roja 179’an de didome. Girtî, daxwaza azadiya fîzîkî ya Rêberê PKK’ê Abdullah Ocalan û çareserkirina pirsgirêka kurd a bi rêyên demokratîk dikin.
Dikandarên li Wanê diyar kirin ku ew êdî penîrê bisîrik ku ji ber krîza aborî her meh bihayê wî zêde dibe, bi xiraman difiroşin.
Koordînatorê Şopandinê yê ECPMF’ê Gurkan Ozturan diyar kir ku Tirkiye di mijara azadiya çapemeniyê de serdema herî nebaş dijî û wiha got: “Em bang li Tirkiyeyê dikin ku astengiyên li pêşiya azadiya çapemeniyê rake.”
Şûraya Dewletê, serlêdana Medenî Alpkaya ku bi hinceta "Pêwendiya wî bi PKK'ê re heye" hat îxracakirin, bi hinceta "Pêwendiya wî bi FETO/PDY'ê re heye" red kir.
Wezareta Parastinê ragihand ku leşkerekî wan li Herêma Federe ya Kurdistanê miriye.
Ergîn Akdogan ku 27 salan girtî bû û mejiyê wî miribû, jiyana xwe ji dest da.
Îdianameya der barê rojnamevan Mehmet Aslan, Esra Solîn Dal û Erdogan Alayûmat de hat amadekiri. Di îdianameyê de 126 nûçeyên der barê tecrîdê de "sûc" hatin hesibandin.
DEM Partî beriya hilbijartinên ku wê 2’ê Hezîranê de li Periyê pêk bê, xebatên xwe tax bi tax gund bi gund didomîne. Di serdanan de welatiyan giliyên xwe yên der barê qeyûman de anîn ziman.
OHD, şaxên ÎHD'ê yên Rihayê û Baroya Rihayê di "Rapora Girtiyan" de ragihandin ku serbestberdana 17 girtiyên li Girtîgehên Tîpa T yên Hejmar 1 û 2 yên Rihayê hatin astengkirin û 34 girtî jî sewqî girtîgehên din hatine kirin.
Emîne Şenyaşar di roja 109’an de nobeta xwe ya edeletê didomîne. Xizmên girtiyan çûn serdana emîneyê û peyama ‘em heta dawî ligel dayika Emîne ne’ dan.
Malbatên girtiyan ên bi dirûşma “Edaletê û hiqûqê pêk bîne” dan destpêkirin, bi Midûra Nivîsgeha Taybet û Amirê Tetkîkê yê Wezîrê Dadê Yilmaz Tunç re hevdîtinê pêk anîn.
Hevserokê HDP’a Manîsayê yê berê Kerem Taylan ji ber axaftinên xwe yên di dema hilbijartinê de, bi îdiaya “propagandaya rêxistinê” hate girtin.
Li navçeya Qovanciyan a Xarpêtê biryara li ser Doza Kobanê hat şermezarkirin.
Rejîma Îranê di nava mehekê de 29 kurd bi dar ve kir û 10 kolber û bazirgan jî qetil kir.