Hevşaredarên Bajarê Mezin ên Amedê bi xwediyên avahiyên li dora Parka Anzeleyê ku derbarê wan de biryara îstîmlaqkirinê hatiye girtin, civiyan û diyar kirin ku ew ê bi xwediyên xaniyan re çareseriyekî hevpar peyda bikin.
Hevjîna siyasetmedarê kurd Mûhsîn Melîk ê 30 sal berî niha hatiye qetilkirin Senay Melîk anî ziman ku ew ê heya faîl werin darizandin dê şopdarê dozê be.
Hevserokê PYD'ê Salih Muslim êrişên Tirkiyeyê weke hewldana sabotekirina hilbijartinan pênase kir û got: "Dewleta tirk li dijî hilbijartinan gelekî bêtehemil e. Lê belê Rêveberiya Xweser a Bakur û Rojhilatê Sûriyeyê wê teqez van hilbijartinan li dar bixe.’’
Di 21 salên dawî de ji 2 milyonan zêdetir zarokên keç welidî ne. Bajarê ku herî zêde zarok lê hatine zewicandin Dîlok û Riha ne. Parêzer Hediye Gokçe Baykal got ku polîtîkayên desthilatdariyê dibin sedema zewicandina zarokan.
Çalakiya boykotkirina hevdîtinên ser telefonê, yên rû bi rû û derketina dadgehê ya girtiyên siyasî di roja 188’an de didome. Girtî, daxwaza azadiya fîzîkî ya Rêberê PKK’ê Abdullah Ocalan û çareserkirina pirsgirêka kurd a bi rêyên demokratîk dikin.
Di encama êrişa bi SÎHA'yan a Tirkiyeyê de 4 kes jiyana xwe ji dest dan 11 kes jî birîndar bûn.
Derket holê ku qeyûmê Şaredariya Bajarê Mezin a wanê, ji budçeya şaredariyê bi sedhezaran TL'yî 6 hezar kolonya û qoliyên çîqolatayan kiriye û ji bo di hilbijartinê de belav bike radestî Baskên Jinan a AKP'ê kiriye.
Çalakiyên ku ji bo azadiya Rêberê PKK’ê Abdullah Ocalan û zextên li ser girtiyan hatin destpêkirin, 4 hefte li dû xwe hiştin. Rêveberê MED TUHAD-FED'ê Orhan Işik anî ziman ku heya encamekê bi dest bixin wê çalakiyên wan bidomin.
Dadgeha Destûra Bingehîn (AYM) têkildarî kuştina Mehmet Emîn Levent ê di dema qedexeyên derketina derve hatiye qetilkirin de biryara “binpêkirina mafê jiyanê” da.
Girtiyê nexweş Şehmûz Îlhan ê ku di 18 saliya xwe de cezayê muebetê lê hat birîn û 30 sal şûnde tehlîye bû got: "Lingê min gelê min bû û milê min jî hevalên min bûn. Di girtîgehê de tişta ku mirovî li ser pêyan digire rêhevaltiya rasteqîn e."
Çalakiya Nobeda Edeletê ya Emîne Şenyaşar di roja 118’emîn de bi tevlibûna gelek kesî bi daxuyaniya çapemeniyê berdewam kir. Emîne Şenyaşarê di daxuyaniyê de got: “Heta ku edelet neyê em ê li ber wezaretê çalakiya xwe bidomînin.”
Ji bo zaroka ku ket Çemê Dîcleyê û winda bû xebatên lêgerîn û rizgarkirinê hatin destpêkirin.
Seroka Giştî ya TÎHV’ê Şebnem Korur Fîncanci balê kişand ser girtîgehên tîpên nû û wek “tîpa bîrê” pênase kir û got: “Girtîgeh bûne navendên îşkenceyê.”
Di çalakiyên “Deng bide azadiyê” yên li Wan û Edeneyê hatin kirin de bang hate kirin ku daxwaza girtiyên ji bo azadiya fizîkî ya Rêberê PKK’ê Abdullah Ocalan ketine çalakiyê bê bicihanîn.