Tora Mafên Mirovan a Kurdistanê ragihand ku girtiyê siyasî yê kurd Anvar Chaleshi ku bi nexweşiya penceşêra kolonê ye, piştî ku Rêxistina Îstîxbaratê ya Mûhafizên Şoreşê destûra wî ya tenduristiyê asteng kir, li nexweşxaneyeke li Ûrmiyeyê bi kelemçekirî tê ragirtin.
Serokê Meclisê Nûman Kurtulmuş bersiv da pêşnûmeya têkildarî qedexeyên ser zimanê kurdî. Kurtulmuş îdia kir ku gotina “Di girtekên Meclisê de axaftinên bi kurdî weke ‘X’ tê nivîsandin” nêrîneke “şexsî” ye.
Balafirên dewleta tirk gundê Sergelî yê Amediyeyê bombebaran kirin. Hat zanîn ku deverên nêzî qadên sivîlan hatine bombebarankirin.
Li navçeya Qilebanê zarokekî bi awayekî biguman jiyana xwe ji dest da.
Cenazeyê Senem Han a 14 salî ku ji roja înê ve agahî jê nedihat girtin, di kanala avdaniyê de hate dîtin.
Parêzerên Buroya Hiqûqê ya Sedsalê ji bo hevdîtina bi miwekîlê xwe Rêberê PKK’ê Abdullah Ocalan re ku 39 meh in tu agahî jê nayên girtin, serî li Serdozgeriya Komarê ya Bursayê û Midûriyeta Girtîgeha Îmraliyê dan.
Di doza têkildarî kuştina amûrsaz Yûsûf Akin a di dema operasyona leşkerî de piştî 13 salan bêyî parêzer keşf hate kirin. Prz. Erdal Kûzû diyar kir ku rapora ji aliyê midûriyeta polîsan ve were amadekirin dê objektîf nebe.
Hevberdevkên Komîsyona Hiqûqê yên DEM Partiyê Sevda Çelîk Ozbîngol û Ozturk Turkdogan ji bo bi Rêberê PKK’ê Abdullah Ocalan ê 39 meh in agahî jê nayê wergirtin re hevdîtinê bikin serî li Wezareta Dadê dan.
Ecevît Pîroglû ku li Sirbistanê hate girtin û li dijî derhiqûqtiyan 109 roj in di greva birçîbûnê de ye, daketiye 48 kîloyan. Endamê Înîsiyatîfa Azadî ji Ecevît Pîroglû re Huseyîn Aktaş banga piştevaniyê kir.
Parêzer Alî Çîçek, anî ziman ku têkildarî mirina Mûrat Çîçek ê 25 rojan piştî hewldana întîharê ya li Nexweşxaneya Dewletê ya Qoserê jiyana xwe ji dest da, kirariyek jî nehatiye kirin û got: “Bi temamî li benda mirina muwekîl sekinîne.”
11 mamosteyên ji bo daxwazên xwe ragihînin çûbûn pêşiya Wezareta Perwerdeyê û bi lêdanê hatibûn binçavkirin, hatin berdan.
Zarokê 9 salî Ensar Kaan Şîmşek ku di qezaya trafîkê ya li Tarsûsê de birîndar bûbû, jiyana xwe ji dest da. Bi mirina Şîmşek re hejmara kesên di qezayê de jiyana xwe ji dest dayîn bû 12 kes.
Rojnameger Îrfan Aktan diyar kir ku îktîdar hewl dide bi pêşnûmeya “Sîxûrtiya bandorkirinê” re rojnameger û muxalefetê bêdeng bike û wiha got: “Heta niha di pratîkê de dikirin lê niha dixwazin bi destê hiqûqê bikin.”
Li Îzmîrê welatî û dikandarên ku li dijî krîza aboriyê li ber xwe didin wiha gotin: “Em guhertinê dixwazin, divê paqijiyeke bingehîn were kirin. Divê demildest ‘yek zilam’ biçe.”
Meteorolojiyê ji bo 9 bajaran bi koda zer hişyariya barîna zêde ya baranan kir.